ಆರ್ಥಿಕ ದಿವಾಳಿತನದತ್ತ ಸಾಗುತ್ತಿದೆ ಎಂದು ಆರೋಪಿಸಿ ರಾಜ್ಯ ಸರ್ಕಾರದ ನೀತಿಗಳನ್ನು ಖಂಡಿಸಿ ಬಿಜೆಪಿ ಜಿಲ್ಲಾ ಘಟಕದ ವತಿಯಿಂದ ಸರ್ಕಾರದ ಶವಯಾತ್ರೆ ನಡೆಸಿ, ಪ್ರತಿಕೃತಿ ದಹಿಸಿ ಪ್ರತಿಭಟನೆ ನಡೆಸಲಾಯಿತು.ನಗರದ ಡಾ. ಬಿ.ಆರ್. ಅಂಬೇಡ್ಕರ್ ವೃತ್ತದಲ್ಲಿ ಬಿಜೆಪಿ ಕಾರ್ಯಕರ್ತರು ರಾಜ್ಯ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿ ಆಕ್ರೋಶ ವ್ಯಕ್ತಪಡಿಸಿದರು.
ರಾಜ್ಯದಲ್ಲಿ ಗಂಭೀರ ಬರ ಆವರಿಸಿದ್ದರೂ ಇಂದಿಗೂ ಬರ ಘೋಷಣೆಯಲ್ಲಿಯೇ ಮೀನಾಮೇಷ ಏಣಿಸುತ್ತಿದೆ. ಬರ ಘೋಷಣೆಯಲ್ಲಿಯೂ ತಾರತಮ್ಯ ಮಾಡುತ್ತಿದ್ದು ಕಾಂಗ್ರೆಸ್ ಶಾಸಕರೇ ರಾಜೀನಾಮೆ ನೀಡುವಂತಾಗಿದೆ. ಬರ ಕಾಮಗಾರಿ, ಪರಿಹಾರ ನೀಡದೇ ಅನ್ಯಾಯ ಮಾಡುತ್ತಿರುವ ಸರ್ಕಾರ ಖಾಲಿ ಕೈಯಲ್ಲಿ ಪರಿಹಾರ ನೀಡುವದಾಗಿ ಸುಳ್ಳು ಹೇಳುತ್ತಿದೆ. ಗ್ಯಾರಂಟಿ ಯೋಜನೆಗಳು ಸೇರಿದಂತೆ ಅಭಿವೃದ್ದಿಗೆ ಅನುದಾನ ಇಲ್ಲದೇ ಹೋಗಿದೆ. ಹಣವಿಲ್ಲದೇ ಅನುದಾನ ಘೋಷಣೆ ಮಾಡುವುದನ್ನು ಆರ್ಥಿಕ ಇಲಾಖೆಯೇ ಆಕ್ಷೇಪ ವ್ಯಕ್ತಪಡಿಸಿರುವುದೆ ನಿರ್ದೇಶನ ಎಂದು ಆರೋಪಿಸಿದರು.
ಸರ್ಕಾರಿ ನೌಕರರು, ಹೊರಗುತ್ತಿಗೆ ನೌಕರರಿಗೆ ವೇತನಕ್ಕೂ ಹಣವಿಲ್ಲ ಪರಸ್ಥಿತಿಯನ್ನು ಸರ್ಕಾರ ಉದ್ಭವಕ್ಕೆ ಕಾರಣವಾಗಿದೆ. ಎನ್‌ಡಿಆರ್‌ಎಫ್ ನಿಯಮಗಳಂತೆ ಪರಿಹಾರ ನೀಡುವುದಾಗಿ ಹೇಳುವ ಸರ್ಕಾರ ಹಿಂದೇಟು ಹಾಕುತ್ತಲೇ ಇದೆ. ರಾಜ್ಯದಲ್ಲಿ ವಿದ್ಯುತ್ ಕೊರತೆ ಎದುರಾಗಿದ್ದು ಅನಿಮಿಯತ್ ಲೋಡ್ ಶೆಡ್ಡಿಂಗ್ ಪ್ರಾರಂಭಿಸಿದೆ. ಬರದ ಮಧ್ಯೆಯೂ ಕೃಷಿ ಪಂಪಸೆಟ್ ನಂಬಿರುವ ರೈತರು ಕಂಗಾಲಾಗಲು ಸರ್ಕಾರವೇ ನೇರ ಹೊಣೆಯಾಗಿದೆ. ಹಾಲು ಉತ್ಪಾದಕರಿಗೆ ಪ್ರೋತ್ಸಾಹ ಧನ ಬಿಡುಗಡೆ ಮಾಡದೇ ವೃದ್ದಾಪ್ಯವೇತನ, ವಿಧವಾವೇತನ ಸೇರಿದಂತೆ ಸಮಾಜಿಕ ಯೋಜನೆಗಳಿಗೂ ಅನುದಾನವಿಲ್ಲದೇ ಪರಿಶೀಲನೆ ಹೆಸರಿನಲ್ಲಿ ತಡೆಲಾಗಿದೆ. ಸರ್ಕಾರ ಜನರ ವಿರೋಧಿ ನೀತಿ , ಖಜಾನೆ ಖಾಲಿಯಾಗಿದೆ ಎಂದು ಆರೋಪಿಸಿ ಪ್ರತಿಭಟನೆ ನಡೆಸಲಾಯಿತು.
ಈ ಸುದ್ದಿ ಓದಿದ್ದೀರಾ? ಸಿಂಧನೂರು | ಸಿಡಿಲು ಬಡಿದು ರೈತ ಸಾವು, ಮತ್ತೋರ್ವ ಗಂಭೀರ ಗಾಯ
ಪ್ರತಿಭಟನೆಯಲ್ಲಿ ವಿಧಾನ ಪರಿಷತ್ ಮಾಜಿ ಸದಸ್ಯ ಎನ್.ಶಂಕರಪ್ಪ, ಜಿಲ್ಲಾಧ್ಯಕ್ಷ ವೀರನಗೌಡ ಲೆಕ್ಕಿಹಾಳ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ರವಿಂದ್ರ ಜಲ್ದಾರ, ರಾಘವೇಂದ್ರ ಉಟ್ಕೂರು, ರಾಜಕುಮಾರ, ಕಡಗೋಳ ಆಂಜಿನೇಯ್ಯ, ಡಾ.ನಾಗರಾಜ ಬಾಲ್ಕಿ, ಬಂಗಿ ನರಸರೆಡ್ಡಿ,ಶರಣಮ್ಮ ಕಾಮರೆಡ್ಡಿ, ಸುಲೋಚನಾ ಆಲ್ಕೂರು, ಅನಿತಾ, ಶಿವಬಸ್ಸಪ್ಪ ಮಾಲಿಪಾಟೀಲ್, ರಾಮಚಂದ್ರಕಡಗೋಳ, ಜೆಮ್ಸ್, ತಿರುಮುಲರೆಡ್ಡಿ,ಪಿ.ಯಲ್ಲಪ್ಪ, ಶರಣಬಸವ ಜೋಳದಡಗಿ, ಆಂಜಿನೇಯಲು, ಮೌನೇಶ ಜಗ್ಲಿ, ಮುಕ್ತಿಯಾರ್, ಮಲ್ಲಿಕಾರ್ಜುನ ಜಕ್ಕಲದಿನ್ನಿ, ಬಂಡೇಶ ವಲ್ಕಂದಿನ್ನಿ, ಜಂಬಣ್ಣ ನಿಲೋಗಲ್, ಮಹೇಂದ್ರರೆಡ್ಡಿ ಸೇರಿದಂತೆ ಅನೇಕರು ಭಾಗಿಯಾದರು.
