ತಾಲ್ಲೂಕಿನ ಮೋಟ್ನಳ್ಳಿ ಗ್ರಾಮದ ಸಮೀಪ ನವಿಲುಗಳನ್ನು ಬೇಟೆಯಾಡಿದ ಆರೋಪದಡಿ ಏಳು ಮಂದಿಯನ್ನು ಯಾದಗಿರಿ ಪ್ರಾದೇಶಿಕ ಅರಣ್ಯ ವಲಯದ ಸಿಬ್ಬಂದಿ ಬಂಧಿಸಿದ್ದಾರೆ.
- Advertisement -
ಬಂಧಿತರನ್ನು ಕಲಬುರಗಿ ಜಿಲ್ಲೆಯ ಚಿತ್ತಾಪುರ ತಾಲೂಕಿನ ಭೀಮನಳ್ಳಿ ಗ್ರಾಮದ ನಿಂಗಪ್ಪ ಲಚುಮಣ್ಣ, ಕರೆಪ್ಪ ಸಾಬಣ್ಣ, ಯಲ್ಲಲಿಂಗ ಜಡ್ಡರ್, ಬಸವರಾಜ ಚಂದಪ್ಪ, ಮಲ್ಲಪ್ಪ ಬಸಪ್ಪ, ಅಲ್ಲೂರು ಗ್ರಾಮದ ಕಾಂತಪ್ಪ ಭೀಮರಾಯ ಹಾಗೂ ಕೋಟನೂರು ಗ್ರಾಮದ ವಾಸುದೇವ ಬಸಪ್ಪ ಎಂದು ಗುರುತಿಸಲಾಗಿದೆ.
ಬಂಧಿತರಿಂದ ಬೇಟೆಯಾಡಲಾಗಿದೆ ಎನ್ನಲಾದ ಎರಡು ನವಿಲುಗಳ ಸುಟ್ಟ ಮಾಂಸ, 12 ಜೀವಂತ ಆಮೆಗಳು, ಆರು ನಾಡ ಬಂದೂಕುಗಳು, ಐದು ಗನ್‌ಪೌಡರ್‌ ಬ್ಯಾಗ್‌ಗಳು, ಏಳು ಮೊಬೈಲ್‌ ಫೋನ್‌ಗಳು ಹಾಗೂ ಮಾಂಸ ಬೇಯಿಸಲು ಬಳಸಿದ ಪಾತ್ರೆಗಳನ್ನು ಅರಣ್ಯ ಸಿಬ್ಬಂದಿ ವಶಕ್ಕೆ ಪಡೆದಿದ್ದಾರೆ.
ಇದನ್ನು ಓದಿದ್ದೀರಾ? ಕಲಬುರಗಿ | ಸಂಕನೂರ ಗುಡ್ಡದಲ್ಲಿ ಒಂದೇ ಮರದ ಬಳಿ ಇಬ್ಬರ ಶವ: ಪ್ರೇಮದ ಶಂಕೆ, ಸಾವಿನ ಸುತ್ತ ನಿಗೂಢತೆ
ಈ ಕುರಿತು ಅರಣ್ಯ ಇಲಾಖೆಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
