ಭಾರತದ ನೈಋತ್ಯ ಗುಜರಾತ್‌ನ ವೆರಾವಲ್ ಕರಾವಳಿಯಲ್ಲಿ ಇಸ್ರೇಲ್‌ಗೆ ಸಂಬಂಧಿಸಿದ ಹಡಗಿನ ಮೇಲೆ ಅಪರಿಚಿತ ಡ್ರೋಣ್ ದಾಳಿ ನಡೆಸಿದೆ ಎಂದು ನೌಕಾಪಡೆಯ ಎರಡು ಏಜನ್ಸಿಗಳು ತಿಳಿಸಿವೆ. ಆದರೆ ಘಟನೆಯಲ್ಲಿ ಯಾವುದೇ ಸಾವುನೋವುಗಳ ಬಗ್ಗೆ ವರದಿಯಾಗಿಲ್ಲ.
ಯುನೈಟೆಡ್ ಕಿಂಗ್‌ಡಮ್ ಮೆರೈನ್ ಟ್ರೇಡ್ ಆಪರೇಷನ್ಸ್ ನೌಕಾಸಂಸ್ಥೆ(ಯುಕೆಎಂಟಿಒ) ಪ್ರಕಾರ, ಈ ಘಟನೆಯು ಭಾರತದ ವೆರಾವಲ್‌ನಿಂದ ನೈಋತ್ಯಕ್ಕೆ ಇರುವ 200 ಕಿಮೀ ದೂರದಲ್ಲಿ ಸಂಭವಿಸಿದೆ.
ಡ್ರೋಣ್ ದಾಳಿಯಿಂದ ಹಡಗಿನಲ್ಲಿ ಬೆಂಕಿ ಹೊತ್ತುಕೊಂಡಿದೆ. ಮಾನವರಹಿತ ವೈಮಾನಿಕ ದಾಳಿಯಿಂದ (ಯುಎಎಸ್) ಹಡಗಿನ ಮೇಲೆ ಸ್ಫೋಟ ಉಂಟಾಗಿದೆ ಎಂದು ಯುಕೆಎಂಟಿಒ ತಿಳಿಸಿದೆ.
ಈ ಸುದ್ದಿ ಓದಿದ್ದೀರಾ? ಈ ದಿನ ಸಂಪಾದಕೀಯ | ಸಾಕ್ಷಿ ಮಲಿಕ್‌ ʼಶೂʼಗಳು ಭಾರತದ ಆತ್ಮಸಾಕ್ಷಿಯನ್ನು ಅಣಕಿಸುವ ಸಂಕೇತವಾಗಿ ಉಳಿಯಲಿದೆ
“ಲೈಬೀರಿಯಾ- ಫ್ಲಾಗಡ್ ರಾಸಾಯನಿಕ ಉತ್ಪನ್ನಗಳ ಟ್ಯಾಂಕರ್ ಇಸ್ರೇಲ್ ಸಂಯೋಜಿತವಾಗಿದೆ. ಲೈಬೀರಿಯನ್ ಫ್ಲಾಗಡ್ ರಾಸಾಯನಿಕ ಉತ್ಪನ್ನಗಳ ಟ್ಯಾಂಕರ್‌ನಲ್ಲಿ ಹೊತ್ತುಕೊಂಡಿದ್ದ ಬೆಂಕಿಯನ್ನು ಹಡಗಿನ ಸಿಬ್ಬಂದಿ ಸಾವುನೋವುಗಳಿಲ್ಲದೆ ನಂದಿಸಿದ್ದಾರೆ. ಹಡಗಿಗೆ ತುಸು ಹಾನಿಯಾಗಿದ್ದು, ಸ್ವಲ್ಪ ನೀರು ಕೂಡ ಒಳಗೆ ಪ್ರವೇಶಿಸಿದೆ” ಎಂದು ಯುಕೆಎಂಟಿಒ ತಿಳಿಸಿದೆ.
ಯುಕೆಎಂಟಿಒ ಶನಿವಾರದಂದು ಅಧಿಸೂಚನೆಯನ್ನು ಹೊರಡಿಸಿದ್ದು, ಆ ಪ್ರದೇಶದಿಂದ ಹಡಗುಗಳು ಸಾಗದಂತೆ ಎಚ್ಚರಿಕೆ ನೀಡಿದೆ. ಅಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸುತ್ತಿದ್ದಾರೆ ಯುಕೆಎಂಟಿಒ ತಿಳಿಸಿದೆ.
ಡಿ.18ರಂದು ಮಾಲ್ಟಾ ಫ್ಲಾಗಡ್ ಸರಕು ಸಾಗಣೆ ಹಡಗನ್ನು ಅಪಹರಿಸಲು ಯತ್ನಿಸುವಾಗ ಭಾರತೀಯ ನೌಕಾಪಡೆ ಸಹಾಯ ಮಾಡಿದ ಕೆಲವು ದಿನಗಳ ನಂತರ ಈ ಘಟನೆ ಸಂಭವಿಸಿದೆ. ಅರೇಬಿಕ್ ಸಮುದ್ರದಲ್ಲಿ ಎಂವಿ ರುಯೆನ್ ಎಂಬ ಹಡಗಿಗೆ ಆರು ಕಡಲ್ಗಳ್ಳರು ಅಕ್ರಮವಾಗಿ ಪ್ರವೇಶಿಸಿದ್ದರು. ಇದನ್ನು ಭಾರತೀಯ ನೌಕಾಪಡೆ ಸಿಬ್ಬಂದಿ ಅಪಹರಣ ಯತ್ನವನ್ನು ವಿಫಲಗೊಳಿಸಿದ್ದರು.
