ಜಗತ್ತಿನ ಕಬ್ಬು ಕೃಷಿ ದೈತ್ಯ ಭಾರತವನ್ನು, ಸಕ್ಕರೆ ಆಮದಿನ ದೈನೇಸಿ ಸ್ಥಿತಿಗೆ ಯಾಕೆ ತಂದಿರಿ ಮೋದೀಜೀ?

Date:

​ಜಗತ್ತಿನ ಅತಿದೊಡ್ಡ ಸಕ್ಕರೆ ರಫ್ತುದಾರ ರಾಷ್ಟ್ರಗಳ ಪೈಕಿ ಒಂದಾಗಿದ್ದ ಭಾರತವನ್ನು, ಇದೀಗ ಸಕ್ಕರೆ ಆಮದು ಮಾಡಿಕೊಳ್ಳುವ ದೈನೇಸಿ ಸ್ಥಿತಿಗೆ ಸರ್ಕಾರದ ನೀತಿಗಳು ತಂದು ನಿಲ್ಲಿಸಿವೆ. ಪರಿಸ್ಥಿತಿಯ ಗಂಭೀರತೆಯನ್ನು ಅರಿತ ಮೋದಿ ಸರ್ಕಾರ, ಗುರುವಾರವಷ್ಟೇ ಅಕ್ಟೋಬರ್ 31 ರವರೆಗೆ ಶೂನ್ಯ ಸುಂಕದಲ್ಲಿ (ಸಾಮಾನ್ಯವಾಗಿ ಶೇ. 100ರಷ್ಟು ಸುಂಕವಿರುತ್ತದೆ) 10 ಲಕ್ಷ ಟನ್ ಕಚ್ಚಾ ಸಕ್ಕರೆಯನ್ನು ಆಮದು ಮಾಡಿಕೊಳ್ಳಲು ಅನುಮತಿ ನೀಡಿದೆ.

- Advertisement -

ಮುಂಬರುವ ಅಕ್ಟೋಬರ್ 20 ರಂದು ದಸರಾ ಹಾಗೂ ನವೆಂಬರ್ 8 ರಂದು ದೀಪಾವಳಿ ಹಬ್ಬಗಳ ಸಡಗರ ಮನೆಮಾಡಬೇಕಿತ್ತು. ಆದರೆ, ಹಬ್ಬದ ಸಿಹಿಯನ್ನು ಸವಿಯುವ ಮುನ್ನವೇ ದೇಶದ ಜನಸಾಮಾನ್ಯರಿಗೆ ಸಕ್ಕರೆಯ ಬೆಲೆ ಅಕ್ಷರಶಃ ಕಹಿಯಾಗಿ ಪರಿಣಮಿಸಿದೆ. ಮಾರುಕಟ್ಟೆಯಲ್ಲಿ ಸಕ್ಕರೆಯ ದರವು ದಿನೇ ದಿನೇ ಗಗನಕ್ಕೇರುತ್ತಿದ್ದು, ಗ್ರಾಹಕರ ಜೇಬಿಗೆ ಕತ್ತರಿ ಬೀಳುತ್ತಿದೆ. ಕೇಂದ್ರದ ನರೇಂದ್ರ ಮೋದಿ ನೇತೃತ್ವದ ಸರ್ಕಾರದ ಕೃಷಿ ನೀತಿಗಳ ವೈಫಲ್ಯ, ಮಾರುಕಟ್ಟೆ ಮುನ್ನೋಟದ ಕೊರತೆ ಹಾಗೂ ಹವಾಮಾನ ವೈಪರೀತ್ಯದ ಪರಿಣಾಮವಾಗಿ ದೇಶದಲ್ಲಿ ಸಕ್ಕರೆ ಉತ್ಪಾದನೆ ಗಣನೀಯವಾಗಿ ಕುಸಿದಿದೆ. ಗ್ರಾಹಕ ವ್ಯವಹಾರಗಳ ಇಲಾಖೆಯ ಅಧಿಕೃತ ಮಾಹಿತಿಯ ಪ್ರಕಾರ, ಕೇವಲ ಒಂದು ತಿಂಗಳ ಹಿಂದೆಯಷ್ಟೇ, ಅಂದರೆ ಜುಲೈ 21 ರಂದು ಪ್ರತಿ ಕಿಲೋಗ್ರಾಂಗೆ 45 ರೂಪಾಯಿಗಳಷ್ಟಿದ್ದ ಸಕ್ಕರೆಯ ಚಿಲ್ಲರೆ ದರ, ಜುಲೈ 31 ರ ಹೊತ್ತಿಗೆ 50 ರೂಪಾಯಿಗೆ ಏರಿ, ಶುಕ್ರವಾರದ ವೇಳೆಗೆ ಬರೋಬ್ಬರಿ 65 ರೂಪಾಯಿಗಳಿಗೆ ತಲುಪಿದೆ. ಕೇವಲ ಒಂದೇ ತಿಂಗಳ ಅಂತರದಲ್ಲಿ ಪ್ರತಿ ಕೆ.ಜಿಗೆ 20 ರೂಪಾಯಿಗಳಷ್ಟು ಭಾರಿ ಏರಿಕೆಯಾಗಿರುವುದು ಮಾರುಕಟ್ಟೆಯಲ್ಲಿ ತಲ್ಲಣ ಸೃಷ್ಟಿಸಿದ್ದು, ಸರ್ಕಾರದ ಬೆಲೆ ನಿಯಂತ್ರಣ ವ್ಯವಸ್ಥೆಯ ವೈಫಲ್ಯವನ್ನು ಎತ್ತಿ ತೋರಿಸುತ್ತಿದೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಈ ದಿನ ಕವಿತೆ | ನಾನು, ರಸ್ತೆ ಹಾಗೂ...

ವಾರಕ್ಕೊಂದು ಅನುವಾದಿತ ಕವಿತೆ ಮಾಲಿಕೆಯಲ್ಲಿ ಈ ಬಾರಿ ಮರಾಠಿ ಕವಿ ವಸಂತ್ ಆಬಾಜಿ ದಹಾಕೆ ಅವರ "ನಾನು, ರಸ್ತೆ ಹಾಗೂ ಕಪ್ಪು ಹಕ್ಕಿ" ಕವಿತೆಯನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ ಹಿರಿಯ ಅನುವಾದಕಿ ಸಿ...

ಶಿವಮೊಗ್ಗ | 40 ವರ್ಷ ದುಡಿದರೂ ಗಜಾನನ ಸಂಸ್ಥೆ...

ಮಲೆನಾಡಿನ ಸಾರಿಗೆ ಕ್ಷೇತ್ರದಲ್ಲಿ ತನ್ನದೇ ಆದ ಗುರುತನ್ನು ಮೂಡಿಸಿದ್ದ ಸಾಗರ ತಾಲೂಕಿನ ಹೆಸರಾಂತ ಗಜಾನನ ಬಸ್ ಸಂಸ್ಥೆ ಒಂದು ಕಾಲದಲ್ಲಿ ಸುಮಾರು 150ಕ್ಕೂ ಹೆಚ್ಚು ಬಸ್‌ಗಳ ಮೂಲಕ ಜನಪ್ರಿಯತೆ ಗಳಿಸಿತ್ತು. ಸಂಸ್ಥೆಯ ಬೆಳವಣಿಗೆಯಲ್ಲಿ...

ರಾಜಕೀಯ ಪಕ್ಷಗಳಿಗೆ ಪ್ರವೇಶವಿಲ್ಲ: ಚುನಾವಣೆ ಬಹಿಷ್ಕರಿಸಿದ ಹೊನ್ನಗುಂಡಿ ಗ್ರಾಮಸ್ಥರು!

ಅದೆಷ್ಟೋ ಚುನಾವಣೆ ನಡೆದು ಹೋದವು, ಆದರೆ ನಮ್ಮೂರಿಗೆ ಮೂಲಭೂತ ಸೌಕರ್ಯಗಳಿಲ್ಲ. ಕನಿಷ್ಠ ಸೌಲಭ್ಯವಾದ ಡಾಂಬರ್ ರಸ್ತೆ ಕಾಣದೆ ಅದೆಷ್ಟೋ ವರ್ಷ ಕಳೆದಿದೆ. ನಮ್ಮ ಗ್ರಾಮದಲ್ಲಿ ಮೂಲಭೂತ ಸೌಕರ್ಯಗಳ ಕೊರತೆಯಿದೆ ಯಾವ ರಾಜಕೀಯ ಪಕ್ಷಗಳು...

​ಚಿಲ್ಲರೆ ಮಾರುಕಟ್ಟೆಯಲ್ಲಿ ಮಾತ್ರವಲ್ಲದೆ, ಸಕ್ಕರೆ ಕಾರ್ಖಾನೆಗಳ ಮಟ್ಟದಲ್ಲಿಯೂ (ಎಕ್ಸ್-ಫ್ಯಾಕ್ಟರಿ ದರ) ದರಗಳು ಅಸಹಜ ರೀತಿಯಲ್ಲಿ ಏರಿಕೆಯಾಗಿವೆ. ಜಿಎಸ್‌ಟಿ ಹೊರತುಪಡಿಸಿ ಕಾರ್ಖಾನೆಗಳು ಮಾರಾಟ ಮಾಡುವ ದರಗಳನ್ನು ಗಮನಿಸಿದರೆ ಪರಿಸ್ಥಿತಿಯ ಗಂಭೀರತೆ ಅರಿವಾಗುತ್ತದೆ. ಆಗಸ್ಟ್ 1 ರಂದು ಉತ್ತರ ಪ್ರದೇಶದಲ್ಲಿ ಕೆ.ಜಿಗೆ 44.95-46.7 ರೂ., ಮಹಾರಾಷ್ಟ್ರದಲ್ಲಿ 46.2-46.9 ರೂ. ಹಾಗೂ ಕರ್ನಾಟಕದಲ್ಲಿ 46.25-47 ರೂ. ಇದ್ದ ಎಕ್ಸ್-ಫ್ಯಾಕ್ಟರಿ ದರಗಳು, ಆಗಸ್ಟ್ 20 ರ ವೇಳೆಗೆ ದಿಢೀರ್ ಜಿಗಿತ ಕಂಡಿವೆ. ಉತ್ತರ ಪ್ರದೇಶದಲ್ಲಿ 57-60 ರೂ., ಮಹಾರಾಷ್ಟ್ರದಲ್ಲಿ 62.5-64 ರೂ. ಮತ್ತು ಕರ್ನಾಟಕದಲ್ಲಿ 63-64 ರೂ.ಗಳಿಗೆ ತಲುಪಿವೆ. ಪ್ರತಿ ಹಬ್ಬದ ಸಂದರ್ಭದಲ್ಲೂ ಸಿಹಿತಿಂಡಿಗಳು, ಪಾನೀಯ ಉತ್ಪನ್ನಗಳ ತಯಾರಿಕೆಗೆ ಅತ್ಯಗತ್ಯವಾದ ಕಚ್ಚಾವಸ್ತುವಿನ ಬೆಲೆ ಈ ಪರಿಯಾಗಿ ಏರಿಕೆಯಾಗಲು ಆಡಳಿತ ಯಂತ್ರದ ಬಳಿ ಯಾವುದೇ ಮುನ್ನೆಚ್ಚರಿಕಾ ಕ್ರಮಗಳು ಇರಲಿಲ್ಲ ಎಂಬುದು ಸ್ಪಷ್ಟವಾಗಿದೆ.

​ಈ ಹಠಾತ್ ಬೆಲೆ ಏರಿಕೆಗೆ ಪ್ರಮುಖ ಕಾರಣ ಕಬ್ಬು ಉತ್ಪಾದನೆಯಲ್ಲಾದ ತೀವ್ರ ಕುಸಿತ. ಕಳೆದ ವರ್ಷದ ಸೆಪ್ಟೆಂಬರ್ ಮತ್ತು ಅಕ್ಟೋಬರ್ ತಿಂಗಳುಗಳಲ್ಲಿ ಮಹಾರಾಷ್ಟ್ರ, ಕರ್ನಾಟಕ ಮತ್ತು ಗುಜರಾತ್ ರಾಜ್ಯಗಳಲ್ಲಿ ಸುರಿದ ಅಕಾಲಿಕ ಹಾಗೂ ವಿಪರೀತ ಮಳೆಯು ಕಬ್ಬು ಬೆಳೆಯ ಮೇಲೆ ಗಂಭೀರ ದುಷ್ಪರಿಣಾಮ ಬೀರಿದೆ. ನೈರುತ್ಯ ಮುಂಗಾರು ನಿರ್ಗಮಿಸಲು ತೆಗೆದುಕೊಂಡ ವಿಳಂಬದಿಂದಾಗಿ ಗದ್ದೆಗಳಲ್ಲಿ ವಾರಗಟ್ಟಲೆ ನೀರು ನಿಂತಿತ್ತು. ಇದರಿಂದಾಗಿ ಬೆಳೆಗೆ ಅಗತ್ಯವಿದ್ದ ಸೂರ್ಯರಶ್ಮಿ ಲಭ್ಯವಾಗದೆ, ಗಾಳಿಯಾಡದೆ ಕಬ್ಬಿನ ಬೆಳವಣಿಗೆ ಸಂಪೂರ್ಣವಾಗಿ ಕುಂಠಿತವಾಯಿತು. ಕಬ್ಬಿನ ಜಲ್ಲೆಗಳಲ್ಲಿ ಸುಕ್ರೋಸ್ (ಸಕ್ಕರೆ ಅಂಶ) ಶೇಖರಣೆಯಾಗುವ ಪ್ರಕ್ರಿಯೆಗೆ ಇದರಿಂದ ಭಾರಿ ಪೆಟ್ಟು ಬಿದ್ದಿತು. ಸರ್ಕಾರದ ಕೃಷಿ ಇಲಾಖೆಯು ಇಂತಹ ಹವಾಮಾನ ವೈಪರೀತ್ಯದ ಮುನ್ಸೂಚನೆಗಳನ್ನು ಮೊದಲೇ ಗ್ರಹಿಸಿ ಮಾರುಕಟ್ಟೆಗೆ ಪರ್ಯಾಯ ಕ್ರಮಗಳನ್ನು ಕೈಗೊಳ್ಳುವಲ್ಲಿ ವಿಫಲವಾಯಿತು. ಪರಿಣಾಮವಾಗಿ, ಕಾರ್ಖಾನೆಗಳಲ್ಲಿ ಸಕ್ಕರೆ ಇಳುವರಿ ಗಣನೀಯವಾಗಿ ಕುಸಿಯುವಂತಾಯಿತು.

​ದಕ್ಷಿಣ ಮತ್ತು ಪಶ್ಚಿಮ ಭಾರತದ ರಾಜ್ಯಗಳು ಅತಿವೃಷ್ಟಿಯಿಂದ ತತ್ತರಿಸಿದರೆ, ಉತ್ತರ ಪ್ರದೇಶದ ಕಬ್ಬು ಬೆಳೆಗಾರರು ರೋಗಬಾಧೆಯಿಂದ ಕಂಗೆಟ್ಟರು. ಉತ್ತರ ಪ್ರದೇಶದಲ್ಲಿ ವ್ಯಾಪಕವಾಗಿ ಬೆಳೆಯಲಾಗುವ ‘Co-0238’ ತಳಿಯ ಕಬ್ಬಿಗೆ ‘ರೆಡ್ ರಾಟ್’ (ಕೆಂಪು ಕೊಳೆ ರೋಗ) ಎಂಬ ಮಾರಕ ಶಿಲೀಂಧ್ರ ರೋಗ ಹಾಗೂ ‘ಟಾಪ್ ಶೂಟ್ ಬೋರರ್’ ಎಂಬ ಕೀಟಬಾಧೆ ವ್ಯಾಪಕವಾಗಿ ಆವರಿಸಿತು. ಈ ನಿರ್ದಿಷ್ಟ ತಳಿಯು ಇತ್ತೀಚಿನ ದಿನಗಳಲ್ಲಿ ಇಂತಹ ರೋಗಗಳಿಗೆ ತೀವ್ರವಾಗಿ ತುತ್ತಾಗುತ್ತಿದ್ದರೂ, ರೈತರಿಗೆ ಪರ್ಯಾಯ ತಳಿಗಳನ್ನು ಒದಗಿಸುವಲ್ಲಿ ವ್ಯವಸ್ಥೆ ನಿಷ್ಕ್ರಿಯವಾಗಿದೆ. ಭಾರತೀಯ ಸಕ್ಕರೆ ಮತ್ತು ಜೈವಿಕ ಇಂಧನ ತಯಾರಕರ ಸಂಘವು (ISMA) ನವೆಂಬರ್‌ನಲ್ಲಿ ಉತ್ತರ ಪ್ರದೇಶದಲ್ಲಿ 103.2 ಲಕ್ಷ ಟನ್ ಸಕ್ಕರೆ ಉತ್ಪಾದನೆಯಾಗಬಹುದು ಎಂದು ಅಂದಾಜಿಸಿತ್ತು. ಆದರೆ, ವಾಸ್ತವದಲ್ಲಿ ಕೇವಲ 89.7 ಲಕ್ಷ ಟನ್ ಮಾತ್ರ ಉತ್ಪಾದನೆಯಾಗಿದೆ. ಮಹಾರಾಷ್ಟ್ರ ಮತ್ತು ಕರ್ನಾಟಕದಲ್ಲೂ ನಿರೀಕ್ಷಿತ 130 ಲಕ್ಷ ಟನ್ ಮತ್ತು 63.5 ಲಕ್ಷ ಟನ್ ಬದಲಾಗಿ ಕೇವಲ 99.2 ಲಕ್ಷ ಟನ್ ಮತ್ತು 47.2 ಲಕ್ಷ ಟನ್ ಉತ್ಪಾದನೆಯಾಗಿರುವುದು ಕೃಷಿ ವಲಯದ ದುಸ್ಥಿತಿಯನ್ನು ಬಿಂಬಿಸುತ್ತದೆ.

sugar cane 2

​ಸಕ್ಕರೆ ಉತ್ಪಾದನೆ ಮತ್ತು ದಾಸ್ತಾನಿನ ಕುಸಿತದ ನೈಜ ಚಿತ್ರಣವನ್ನು ಲೆಕ್ಕಾಚಾರಗಳು ಬಿಚ್ಚಿಡುತ್ತವೆ. 2025-26ನೇ ಸಾಲಿನಲ್ಲಿ 343.5 ಲಕ್ಷ ಟನ್ ಒಟ್ಟು ಸಕ್ಕರೆ ಉತ್ಪಾದನೆಯಾಗಲಿದೆ ಎಂದು ಆರಂಭದಲ್ಲಿ ಅಂದಾಜಿಸಲಾಗಿತ್ತು. ಇದರಲ್ಲಿ 34 ಲಕ್ಷ ಟನ್ ಎಥನಾಲ್‌ಗೆ ಹೋದರೂ 309.5 ಲಕ್ಷ ಟನ್ ಸಕ್ಕರೆ ಲಭ್ಯವಾಗಲಿದೆ ಎನ್ನಲಾಗಿತ್ತು. ಆದರೆ, ಇತ್ತೀಚಿನ ವಾಸ್ತವಿಕ ಅಂದಾಜಿನ ಪ್ರಕಾರ ಒಟ್ಟು ಉತ್ಪಾದನೆಯೇ 309 ಲಕ್ಷ ಟನ್‌ಗೆ ಕುಸಿದಿದೆ. ಇದರಲ್ಲಿ 30 ಲಕ್ಷ ಟನ್ ಎಥನಾಲ್‌ಗೆ ಬಳಕೆಯಾಗಿದ್ದು, ಕೇವಲ 279 ಲಕ್ಷ ಟನ್ ನಿವ್ವಳ ಸಕ್ಕರೆ ಮಾತ್ರ ಉಳಿದಿದೆ. ಅಂದರೆ, ಆರಂಭಿಕ ಅಂದಾಜಿಗಿಂತ 30.5 ಲಕ್ಷ ಟನ್ ಸಕ್ಕರೆ ಕೊರತೆಯಾಗಿದೆ. ಈ ಋತುವಿನ ಆರಂಭದಲ್ಲಿದ್ದ 50 ಲಕ್ಷ ಟನ್ ದಾಸ್ತಾನನ್ನು ಸೇರಿಸಿದರೆ ಒಟ್ಟು 329 ಲಕ್ಷ ಟನ್ ಲಭ್ಯವಾಗುತ್ತದೆ. ಇದರಲ್ಲಿ ದೇಶೀಯ ಬಳಕೆಯ 280 ಲಕ್ಷ ಟನ್ ಮತ್ತು ರಫ್ತಾದ 8 ಲಕ್ಷ ಟನ್ ಕಳೆದರೆ, ಋತುವಿನ ಅಂತ್ಯಕ್ಕೆ ಕೇವಲ 41 ಲಕ್ಷ ಟನ್ ಸಕ್ಕರೆ ಮಾತ್ರ ಉಳಿಯಲಿದೆ. ಇದು 2016-17ರ ನಂತರದ ಅತಿ ಕನಿಷ್ಠ ದಾಸ್ತಾನು(ಇದು ಕಳೆದ 9 ವರ್ಷಗಳಲ್ಲಿಯೇ ಅತಿ ಕಡಿಮೆ ದಾಸ್ತಾನು ಆಗಿದೆ.). ಕೆಲವು ಮೂಲಗಳ ಪ್ರಕಾರ ಈ ಬಾರಿಯ ಆರಂಭಿಕ ದಾಸ್ತಾನು ಕೇವಲ 48 ಲಕ್ಷ ಟನ್ ಆಗಿದ್ದು, ವರ್ಷಾಂತ್ಯದ ದಾಸ್ತಾನು 39 ಲಕ್ಷ ಟನ್‌ಗೆ ಕುಸಿಯುವ ಭೀತಿ ಇದೆ. ಇದು 2008-09ರ ನಂತರದ ಅತಿ ಭೀಕರ ಪರಿಸ್ಥಿತಿಯಾಗಿದೆ.

​ದಾಸ್ತಾನು ಕುಸಿತದ ಭೀತಿಯನ್ನು ಮಾರುಕಟ್ಟೆಯ ಶಕ್ತಿಗಳು ತಮ್ಮ ಲಾಭಕ್ಕಾಗಿ ಬಳಸಿಕೊಳ್ಳುತ್ತಿವೆ. ಈ ವರ್ಷದ ಜೂನ್ ತಿಂಗಳಲ್ಲಿ ಮಹಾರಾಷ್ಟ್ರ ಮತ್ತು ಕರ್ನಾಟಕದಲ್ಲಿ ಮಳೆಯ ಪ್ರಮಾಣ ತೀವ್ರವಾಗಿ ಕಡಿಮೆಯಾಗಿದ್ದು, ಮುಂಬರುವ 2026-27ನೇ ಸಾಲಿನಲ್ಲೂ ಕಬ್ಬು ಇಳುವರಿ ಕುಸಿಯಲಿದೆ ಎಂಬ ಆತಂಕವನ್ನು ಸೃಷ್ಟಿಸಿದೆ. ಈ ಅವಕಾಶವನ್ನು ಬಳಸಿಕೊಂಡ ದೊಡ್ಡ ಸಗಟು ವ್ಯಾಪಾರಿಗಳು, ದಾಸ್ತಾನುದಾರರು ಹಾಗೂ ಬೃಹತ್ ಕೈಗಾರಿಕಾ ಗ್ರಾಹಕರು ಜುಲೈಗೂ ಮುನ್ನವೇ ಭಾರಿ ಪ್ರಮಾಣದ ಸಕ್ಕರೆಯನ್ನು ದಾಸ್ತಾನು ಮಾಡಲು ಪ್ರಾರಂಭಿಸಿದರು. ಆಗಸ್ಟ್‌ನಿಂದ ಸ್ವತಃ ಕೆಲವು ಸಕ್ಕರೆ ಕಾರ್ಖಾನೆಗಳು ಹಬ್ಬದ ಸೀಸನ್‌ನಲ್ಲಿ ಹೆಚ್ಚಿನ ಬೆಲೆಗೆ ಮಾರಾಟ ಮಾಡುವ ದುರಾಸೆಯಿಂದ ತಮ್ಮ ಮಾರಾಟವನ್ನು ತಡೆಹಿಡಿದವು. ಕೆಲವು ಆರ್ಥಿಕ ಸಂಕಷ್ಟದಲ್ಲಿದ್ದ ಕಾರ್ಖಾನೆಗಳು ಸರ್ಕಾರ ನಿಗದಿಪಡಿಸಿದ ಮಾಸಿಕ ಕೋಟಾಕ್ಕಿಂತ ಹೆಚ್ಚಿನ ಸಕ್ಕರೆಯನ್ನು ಮೊದಲೇ ಮಾರಾಟ ಮಾಡಿದ್ದರಿಂದ, ಕಾಗದದ ಮೇಲಿದ್ದ ದಾಸ್ತಾನು ವಾಸ್ತವದಲ್ಲಿ ಇರಲಿಲ್ಲ. ಈ ಕೃತಕ ಅಭಾವವನ್ನು ತಡೆಯುವಲ್ಲಿ ಆಡಳಿತ ಯಂತ್ರ ಸಂಪೂರ್ಣವಾಗಿ ವಿಫಲವಾಗಿದೆ.

​ಸಕ್ಕರೆ ಬೆಲೆ ಗಗನಕ್ಕೇರುತ್ತಿದ್ದಂತೆಯೇ, ಇದಕ್ಕೆ ಮೋದಿ ಸರ್ಕಾರದ ಎಥನಾಲ್ ಉತ್ಪಾದನಾ ನೀತಿಯೇ ನೇರ ಕಾರಣ ಎಂಬ ತೀವ್ರ ಟೀಕೆಗಳು ವ್ಯಕ್ತವಾಗುತ್ತಿವೆ. 30 ಲಕ್ಷ ಟನ್ ಸಕ್ಕರೆಯನ್ನು ವಾಹನಗಳ ಇಂಧನಕ್ಕೆ ಮಿಶ್ರಣ ಮಾಡುವ ಎಥನಾಲ್ ತಯಾರಿಕೆಗೆ ಬಳಸಿದ್ದು ಈ ಅಭಾವವನ್ನು ಸೃಷ್ಟಿಸಿದೆ ಎಂಬ ಆರೋಪಗಳಿವೆ. ಮೇಲ್ನೋಟಕ್ಕೆ ಇದು ದೊಡ್ಡ ಪ್ರಮಾಣದಂತೆ ಕಂಡರೂ, ಕೇವಲ ಎಥನಾಲ್ ನೀತಿಯನ್ನು ದೂಷಿಸುವುದು ತಪ್ಪು ಎನ್ನುತ್ತವೆ ಅಂಕಿ-ಅಂಶಗಳು. ನವೆಂಬರ್ 2025 ರಿಂದ ಜುಲೈ 2026 ರವರೆಗೆ ತೈಲ ಕಂಪನಿಗಳಿಗೆ ಪೂರೈಕೆಯಾದ 810.67 ಕೋಟಿ ಲೀಟರ್ ಎಥನಾಲ್‌ನಲ್ಲಿ, ಕಬ್ಬಿನ ಕಚ್ಚಾವಸ್ತುಗಳಿಂದ ಬಂದಿದ್ದು ಶೇ. 32ರಷ್ಟು (259.24 ಕೋಟಿ ಲೀಟರ್) ಮಾತ್ರ. ಉಳಿದ ಶೇ. 68ರಷ್ಟು (551.43 ಕೋಟಿ ಲೀಟರ್) ಎಥನಾಲ್ ಅನ್ನು ಮೆಕ್ಕೆಜೋಳ ಮತ್ತು ಎಫ್‌ಸಿಐ ಅಕ್ಕಿಯಂತಹ ಧಾನ್ಯಗಳಿಂದ ಉತ್ಪಾದಿಸಲಾಗಿದೆ. ಹೀಗಾಗಿ, ಮೂಲ ಸಕ್ಕರೆ ಉತ್ಪಾದನೆಯೇ 34.5 ಲಕ್ಷ ಟನ್‌ಗಳಷ್ಟು ಕುಸಿದಿರುವುದೇ ಬಿಕ್ಕಟ್ಟಿನ ಅತಿ ದೊಡ್ಡ ಕಾರಣವಾಗಿದೆ. ಆದರೂ, ಇಂತಹ ಬಿಕ್ಕಟ್ಟಿನ ಸಂದರ್ಭದಲ್ಲಿ ಎಥನಾಲ್ ನೀತಿಯನ್ನು ಮರುವಿಮರ್ಶಿಸುವ ಜಾಣ್ಮೆಯನ್ನು ಸರ್ಕಾರ ತೋರಲಿಲ್ಲ ಎಂಬುದು ವಿಮರ್ಶಕರ ವಾದ.

​ಪರಿಸ್ಥಿತಿ ಸಂಪೂರ್ಣವಾಗಿ ಕೈಮೀರಿದ ನಂತರವಷ್ಟೇ ಎಚ್ಚೆತ್ತುಕೊಂಡ ಕೇಂದ್ರ ಸರ್ಕಾರ, ದಿಢೀರ್ ಬೆಂಕಿ ನಂದಿಸುವ ಯತ್ನಕ್ಕೆ ಕೈಹಾಕಿದೆ. ಮೇ 13ರಂದು, ಸೆಪ್ಟೆಂಬರ್ 30, 2026 ರವರೆಗೆ ಅನ್ವಯವಾಗುವಂತೆ ದೇಶದಿಂದ ಎಲ್ಲಾ ರೀತಿಯ ಸಕ್ಕರೆ ರಫ್ತನ್ನು ಸಂಪೂರ್ಣವಾಗಿ ನಿಷೇಧಿಸಿ ಆದೇಶ ಹೊರಡಿಸಿತು. ಇದು ಮುಂಬರುವ ಪೂರೈಕೆ ಕೊರತೆಯ ಬಗ್ಗೆ ಸರ್ಕಾರಕ್ಕೆ ಇದ್ದ ಖಚಿತ ಮಾಹಿತಿಗಿಂತಲೂ, ಹೆಚ್ಚಾಗಿ ಪರಿಸ್ಥಿತಿಯನ್ನು ಕಂಡು ಗಾಬರಿಯಿಂದ ತೆಗೆದುಕೊಂಡ ಮುಂಜಾಗ್ರತಾ ಕ್ರಮದಂತೆ ಕಂಡುಬಂತು. ವಾಸ್ತವದಲ್ಲಿ, ಬೆಳೆ ಹಾನಿಯ ಮುನ್ಸೂಚನೆಗಳು ಮೊದಲೇ ಲಭ್ಯವಿದ್ದರೂ, ರಫ್ತು ನಿಷೇಧಿಸುವ ನಿರ್ಧಾರವನ್ನು ಸರ್ಕಾರ ಅತ್ಯಂತ ವಿಳಂಬವಾಗಿ ತೆಗೆದುಕೊಂಡಿತು. ಈ ವಿಳಂಬ ನೀತಿಯೇ ದೇಶೀಯ ಮಾರುಕಟ್ಟೆಯಲ್ಲಿ ಸಕ್ಕರೆಯ ಕೊರತೆಯನ್ನು ಮತ್ತಷ್ಟು ಬಿಗಡಾಯಿಸುವಂತೆ ಮಾಡಿತು.

sugar cane 1

​ಜಗತ್ತಿನ ಅತಿದೊಡ್ಡ ಸಕ್ಕರೆ ರಫ್ತುದಾರ ರಾಷ್ಟ್ರಗಳ ಪೈಕಿ ಒಂದಾಗಿದ್ದ ಭಾರತವನ್ನು, ಇದೀಗ ಸಕ್ಕರೆ ಆಮದು ಮಾಡಿಕೊಳ್ಳುವ ದೈನೇಸಿ ಸ್ಥಿತಿಗೆ ಸರ್ಕಾರದ ನೀತಿಗಳು ತಂದು ನಿಲ್ಲಿಸಿವೆ. ಪರಿಸ್ಥಿತಿಯ ಗಂಭೀರತೆಯನ್ನು ಅರಿತ ಮೋದಿ ಸರ್ಕಾರ, ಗುರುವಾರವಷ್ಟೇ ಅಕ್ಟೋಬರ್ 31 ರವರೆಗೆ ಶೂನ್ಯ ಸುಂಕದಲ್ಲಿ (ಸಾಮಾನ್ಯವಾಗಿ ಶೇ. 100ರಷ್ಟು ಸುಂಕವಿರುತ್ತದೆ) 10 ಲಕ್ಷ ಟನ್ ಕಚ್ಚಾ ಸಕ್ಕರೆಯನ್ನು ಆಮದು ಮಾಡಿಕೊಳ್ಳಲು ಅನುಮತಿ ನೀಡಿದೆ. ಗುಜರಾತ್‌ನ ಕಾಂಡ್ಲಾ ಬಂದರಿನಲ್ಲಿ ಕಾರ್ಯಾಚರಿಸುತ್ತಿರುವ ಶ್ರೀ ರೇಣುಕಾ ಶುಗರ್ಸ್ ಮತ್ತು ಶ್ರೀ ದತ್ತಾ ಇಂಡಿಯಾ ಪ್ರೈವೇಟ್ ಲಿಮಿಟೆಡ್‌ನಂತಹ ರಿಫೈನರಿಗಳು ಈ ಕಚ್ಚಾ ಸಕ್ಕರೆಯನ್ನು ಸಂಸ್ಕರಿಸಲಿವೆ. ದೇಶೀಯ ಸಕ್ಕರೆ ಕಾರ್ಖಾನೆಗಳು ಅಕ್ಟೋಬರ್ ಅಂತ್ಯದಲ್ಲಿ ಕಬ್ಬು ನುರಿಸುವ ಕಾರ್ಯಾಚರಣೆಯನ್ನು ಪ್ರಾರಂಭಿಸುವವರೆಗೆ ಈ ಆಮದು ಮಾಡಿಕೊಂಡ ಸಕ್ಕರೆಯೇ ಮಾರುಕಟ್ಟೆಗೆ ಆಸರೆಯಾಗಬೇಕಿದೆ. ಒಂದು ಕಾಲದಲ್ಲಿ ಜಗತ್ತಿಗೆ ಸಿಹಿ ಹಂಚುತ್ತಿದ್ದ ದೇಶ, ಇಂದು ತನ್ನ ಹಬ್ಬಗಳಿಗೆ ಪರರ ಬಳಿ ಕೈಯೊಡ್ಡುವಂತಾಗಿದೆ.

ಇದನ್ನೂ ಓದಿ 5 ವರ್ಷದ ಹಿಂದ್ ರಜಬ್ ಕ್ರೂರ ಹತ್ಯೆ: ಜಾಗತಿಕ ಆಕ್ರೋಶಕ್ಕೆ ಕೊನೆಗೂ ಮಣಿದ ಇಸ್ರೇಲ್; ಸೈನ್ಯದ ವಿರುದ್ಧ ತನಿಖೆಗೆ ಆದೇಶ

​ಬೆಲೆ ಏರಿಕೆಯ ಬಿಸಿ ತಟ್ಟುತ್ತಿದ್ದಂತೆ, ವ್ಯಾಪಾರಿಗಳ ಮೇಲೆ ಗದಾಪ್ರಹಾರ ಮಾಡಲು ಸರ್ಕಾರ ಮುಂದಾಗಿದೆ. ಜುಲೈ 28 ರಂದು ಎಲ್ಲಾ ಸಕ್ಕರೆ ವ್ಯಾಪಾರಿಗಳ ಮೇಲೆ 400 ಟನ್ ದಾಸ್ತಾನು ಮಿತಿಯನ್ನು ಹೇರಿದ್ದು, ಖರೀದಿಸಿದ 30 ದಿನಗಳೊಳಗೆ ಅದನ್ನು ವಿಲೇವಾರಿ ಮಾಡಲೇಬೇಕು ಎಂದು ಆದೇಶಿಸಿದೆ. ಅಲ್ಲದೆ, ಆಗಸ್ಟ್ 13 ರಂದು ಎಲ್ಲಾ ಸಕ್ಕರೆ ಕಾರ್ಖಾನೆಗಳಿಗೆ ಪತ್ರ ಬರೆದಿರುವ ಸರ್ಕಾರ, 2025-26ರ ಹಣಕಾಸು ವರ್ಷದಲ್ಲಿ 500 ಟನ್‌ಗಿಂತ ಹೆಚ್ಚು ಸಕ್ಕರೆ ಖರೀದಿಸಿದ ಬೃಹತ್ ಗ್ರಾಹಕರ (ತಂಪುಪಾನೀಯ, ಸಿಹಿತಿಂಡಿ ತಯಾರಕರು) ವಿವರಗಳನ್ನು ಒದಗಿಸುವಂತೆ ಸೂಚಿಸಿದೆ. ಮುಂದಿನ 2026-27ನೇ ಸಾಲಿನಲ್ಲಿ ನೇರ ಕಬ್ಬಿನ ರಸದಿಂದ ಎಥನಾಲ್ ತಯಾರಿಸದಂತೆ ಸರ್ಕಾರ ಕಾರ್ಖಾನೆಗಳಿಗೆ ನಿರ್ಬಂಧ ವಿಧಿಸುವ ಸಾಧ್ಯತೆ ದಟ್ಟವಾಗಿದೆ. ಆದರೆ, ಉತ್ಪಾದನಾ ಕೊರತೆಯನ್ನು ಮೊದಲೇ ಅಂದಾಜಿಸಿ, ಸಮರ್ಪಕ ದಾಸ್ತಾನು ನಿರ್ವಹಣೆ ಮಾಡುವಲ್ಲಿ ವಿಫಲವಾಗಿರುವ ಸರ್ಕಾರದ ಈ ‘ಕೊನೆಗಳಿಗೆಯ ಕಸರತ್ತುಗಳು’ ಜನಸಾಮಾನ್ಯರಿಗೆ ಹಬ್ಬದ ಸಿಹಿಯನ್ನು ಮರಳಿಸುವುದೆ ಎಂಬುದು ಕಾದು ನೋಡಬೇಕಿದೆ.

eedina
ಈ ದಿನ ಡೆಸ್ಕ್‌
Website | + posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಮಂಗಳೂರು | 73ನೇ ಅಖಿಲ ಭಾರತ ಸಹಕಾರ ಸಪ್ತಾಹ ಸಮಾರೋಪ: ಸಹಕಾರ ಮಾಣಿಕ್ಯ ಪ್ರಶಸ್ತಿ ಪ್ರದಾನ

ಪರಿಸರ ಸಂರಕ್ಷಣೆ, ಲಿಂಗ ಸಮಾನತೆ ಮತ್ತು ವಿಶ್ವಶಾಂತಿಯ ಆಶಯದೊಂದಿಗೆ 73ನೇ ಅಖಿಲ...

ಈ ದಿನ ಕವಿತೆ | ನಾನು, ರಸ್ತೆ ಹಾಗೂ ಕಪ್ಪು ಹಕ್ಕಿ

ವಾರಕ್ಕೊಂದು ಅನುವಾದಿತ ಕವಿತೆ ಮಾಲಿಕೆಯಲ್ಲಿ ಈ ಬಾರಿ ಮರಾಠಿ ಕವಿ ವಸಂತ್...

ದಕ್ಷಿಣ ಕನ್ನಡ | ‘ಋತು ತಾರೆ’ ಪ್ರಾಯೋಗಿಕ ಜಾರಿಗೆ ಸಿದ್ಧತೆ: ಆರೋಗ್ಯಾಧಿಕಾರಿ ಮಾಹಿತಿ

ಮಧ್ಯ ವಯಸ್ಕ ಹೆಣ್ಣು ಮಕ್ಕಳ ಆರೋಗ್ಯ ಮತ್ತು ಋತುಬಂಧ ಸಮಸ್ಯೆಗಳಿಗೆ ಪೂರಕವಾಗಿ...