ದುಬೈ | ₹122 ಕೋಟಿಗೆ ಹರಾಜಾದ ‘ದುಬೈ P7’ ನಂಬರ್‌ ಪ್ಲೇಟ್‌

Date:

ಗಗನಚುಂಬಿ ಕಟ್ಟಡಗಳು, ವಿಲಾಸಿ ಜೀವನ, ಐಷಾರಾಮಿ ಕಾರುಗಳಿಗೆ ಹೆಸರುವಾಸಿಯಾಗಿರುವ ದುಬೈ ನಗರ ಇದೀಗ ಮತ್ತೊಂದು ವಿಶ್ವದಾಖಲೆಯ ಮೂಲಕ ಸುದ್ದಿಯಾಗಿದೆ.

ದುಬೈನ ಜುಮೇರಾದಲ್ಲಿನ ಫೋರ್ ಸೀಸನ್ಸ್ ಹೋಟೆಲ್‌ನಲ್ಲಿ ಶನಿವಾರ ರಾತ್ರಿ ನಡೆದ ‘ಮೋಸ್ಟ್ ನೋಬಲ್ ನಂಬರ್ಸ್’ ಚಾರಿಟಿ ಹರಾಜಿನಲ್ಲಿ ʻದುಬೈ P 7′ ನಂಬರ್‌ ಪ್ಲೇಟ್‌ ಬರೋಬ್ಬರಿ 55 ಮಿಲಿಯನ್ ದಿರ್ಹಮ್‌ಗಳಿಗೆ (ಅಂದಾಜು ₹1,22,61,44,700) ಮಾರಾಟವಾಗಿದೆ. ಆದರೆ ಈ ಗಿನ್ನಿಸ್ ದಾಖಲೆ ಮೊತ್ತಕ್ಕೆ ಬಿಡ್​ ಮಾಡಿದ ವ್ಯಕ್ತಿ ತಮ್ಮ ಹೆಸರನ್ನು ಇನ್ನೂ ಬಹಿರಂಗಪಡಿಸಿಲ್ಲ.

15 ಮಿಲಿಯನ್ ದಿರ್ಹಮ್‌ ಮೊತ್ತದಿಂದ ಬಿಡ್ಡಿಂಗ್ ಪ್ರಾರಂಭವಾಗಿತ್ತು. ಆದರೆ ಕೆಲ ಸೆಕೆಂಡುಗಳಲ್ಲೇ 35 ಮಿಲಿಯನ್ ದಿರ್ಹಮ್ ತಲುಪಿದ ಕಾರಣ ಕೆಲಕಾಲ ಬಿಡ್ಡಿಂಗ್  ನಿಲ್ಲಿಸಲಾಗಿತ್ತು. ಈ ವೇಳೆ ಟೆಲಿಗ್ರಾಮ್ ಅಪ್ಲಿಕೇಶನ್‌ನ ಸಂಸ್ಥಾಪಕ ಮತ್ತು ಮಾಲೀಕರಾದ ಫ್ರೆಂಚ್ ಮೂಲದ ಉದ್ಯಮಿ ಪಾವೆಲ್ ವ್ಯಾಲೆರಿವಿಚ್ ಡುರೊವ್ 35 ಮಿಲಿಯನ್ ದಿರ್ಹಮ್‌ಗೆ ಬಿಡ್ ಮಾಡಿದ್ದರು. ಬಳಿಕ ಬಿಡ್ಡಿಂಗ್‌ ಪ್ರಕ್ರಿಯೆ ಪುನಾರಂಭವಾದಾಗ ʻದುಬೈ P 7′ ಹರಾಜು ಬೆಲೆ 55 ಮಿಲಿಯನ್ ದಿರ್ಹಮ್‌ ತಲುಪಿತು. 

ಸುದ್ದಿ ನಿರಂತರವಾಗಿ ಉಚಿತವೇ ಆಗಿರುವುದು ಹೇಗೆ ಸಾಧ್ಯ? ಅದಕ್ಕೆ ನಿಮ್ಮ ಬೆಂಬಲವೂ ನಿರಂತರವಾಗಿ ಇದ್ದಾಗ ಮಾತ್ರ ಸಾಧ್ಯ. ಚಂದಾದಾರರಾಗಿ – ಆ ಮೂಲಕ ಸತ್ಯ, ನ್ಯಾಯ, ಪ್ರೀತಿ ಮೌಲ್ಯಗಳನ್ನು ಎಲ್ಲರಿಗೂ ಹರಡಲು ಜೊತೆಯಾಗಿ.

ಈ ಸುದ್ದಿ ಓದಿದ್ದೀರಾ?: ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಬಂಧನ

ಯುಎಇ ಸರ್ಕಾರದ ʻ1 ಬಿಲಿಯನ್‌ ಮೀಲ್ಸ್‌ʼ (ನೂರು ಕೋಟಿ ಜನರಿಗೆ ಆಹಾರ) ಪದ್ಧತಿಯ ಭಾಗವಾಗಿ ಹರಾಜು ಪ್ರಕ್ರಿಯೆ ಆಯೋಜಿಸಲಾಗಿತ್ತು.

ʻದುಬೈ P 7’ ಜೊತೆಗೆ H 31, W 78, N41, AA 19, AA 22,  X 36,  Z 37, AA 80 ಸೇರಿದಂತೆ ಹಲವು ವಿಐಪಿ ನಂಬರ್ ಪ್ಲೇಟ್‌ಗಳು ಮತ್ತು  ದೂರಸಂಪರ್ಕ ಕಂಪನಿಗಳಾದ ಎತ್ತಿಸಲಾತ್‌ನ 11 ಮತ್ತು DUನ 10 ಫ್ಯಾನ್ಸಿ ಫೋನ್ ಸಂಖ್ಯೆಗಳನ್ನು ಸಹ ಹರಾಜು ಮಾಡಲಾಯಿತು. ಹರಾಜಿನಿಂದ ಸುಮಾರು 100 ಮಿಲಿಯನ್ ದಿರ್ಹಮ್ ($27 ಮಿಲಿಯನ್) ಸಂಗ್ರಹಿಸಲಾಗಿದೆ ಎಂದು ಮಾಧ್ಯಮಗಳು ವರದಿ ಮಾಡಿವೆ.

ಈ ಎಲ್ಲಾ ಮೊತ್ತವನ್ನೂ ಜಾಗತಿಕ ಹಸಿವು ನೀಗಿಸುವ ಉದ್ದೇಶದಿಂದ ಆರಂಭಿಸಲಾಗಿರುವ ‘ಒನ್‌ ಬಿಲಿಯನ್ ಮೀಲ್ಸ್’ ಅಭಿಯಾನಕ್ಕೆ ಹಸ್ತಾಂತರಿಸಲಾಗುವುದು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

2008ರಲ್ಲಿ ಅಬುಧಾಬಿಯಲ್ಲಿ ನಡೆದ ಹರಾಜಿನಲ್ಲಿ ʻನಂಬರ್-1ʼ ಪ್ಲೇಟ್‌ 52.22 ಮಿಲಿಯನ್ ದಿರ್ಹಮ್‌ಗೆ ಮಾರಾಟವಾಗಿತ್ತು, ಇದು ಈವರೆಗಿನ ಅತಿಹೆಚ್ಚು ಮೊತ್ತ ಬಿಡ್‌ ಮಾಡಲಾದ ನಂಬರ್‌ ಪ್ಲೇಟ್‌ ಎಂಬ ದಾಖಲೆ ಹೊಂದಿತ್ತು.

DUBAI
ಈ ದಿನ ಡೆಸ್ಕ್‌
Website | + posts

ಪೋಸ್ಟ್ ಹಂಚಿಕೊಳ್ಳಿ:

LEAVE A REPLY

Please enter your comment!
Please enter your name here

ಪೋಸ್ಟ್ ಹಂಚಿಕೊಳ್ಳಿ:

ಹೆಚ್ಚು ಓದಿಸಿಕೊಂಡ ಲೇಖನಗಳು

ವಿಡಿಯೋ

ಸುದ್ದಿ ನಿರಂತರವಾಗಿ ಉಚಿತವೇ ಆಗಿರುವುದು ಹೇಗೆ ಸಾಧ್ಯ? ಅದಕ್ಕೆ ನಿಮ್ಮ ಬೆಂಬಲವೂ ನಿರಂತರವಾಗಿ ಇದ್ದಾಗ ಮಾತ್ರ ಸಾಧ್ಯ. ಚಂದಾದಾರರಾಗಿ – ಆ ಮೂಲಕ ಸತ್ಯ, ನ್ಯಾಯ, ಪ್ರೀತಿ ಮೌಲ್ಯಗಳನ್ನು ಎಲ್ಲರಿಗೂ ಹರಡಲು ಜೊತೆಯಾಗಿ.
Related

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಇರಾನ್-ಇಸ್ರೇಲ್ ಉದ್ವಿಗ್ನತೆ | ಮಿತ್ರ ದೇಶಗಳು ಶತ್ರುಗಳಾಗಿದ್ದು ಹೇಗೆ?; ಸಂಕ್ಷಿಪ್ತ ಇತಿಹಾಸ

ಸಿರಿಯಾದಲ್ಲಿ ಇಸ್ರೇಲ್ ನಡೆಸಿದ ವಿಧ್ವಂಸಕ ಕೃತ್ಯವು ಅಂತಾರಾಷ್ಟ್ರೀಯ ಶಾಂತಿ ಕಾನೂನಿನ ಉಲ್ಲಂಘನೆಯಾಗಿದೆ....

ಕೆನಡಾ: ಭಾರತೀಯ ಮೂಲದ ವಿದ್ಯಾರ್ಥಿಯ ಗುಂಡಿಕ್ಕಿ ಹತ್ಯೆ

ಭಾರತೀಯ ಮೂಲದ ವಿದ್ಯಾರ್ಥಿಯೊಬ್ಬನನ್ನು ಕಾರಿನಲ್ಲಿ ಗುಂಡಿಕ್ಕಿ ಕೊಂದಿರುವ ಘಟನೆ ಕೆನಡಾ ದ...

17 ಭಾರತೀಯ ಸಿಬ್ಬಂದಿಗಳಿದ್ದ ಇಸ್ರೇಲ್‌ ಮೂಲದ ಸರಕು ಹಡಗು ವಶಪಡಿಸಿಕೊಂಡ ಇರಾನ್

ಇರಾನ್‌ನ ಕಮಾಂಡೋಗಳು 17 ಭಾರತೀಯ ಸಿಬ್ಬಂದಿಯನ್ನು ಹೊತ್ತೊಯ್ಯುತ್ತಿದ್ದ ಇಸ್ರೇಲ್ ಮೂಲದ ಸರಕು...

ಇಸ್ರೇಲ್ ಕಡೆಗೆ ಹಲವು ಡ್ರೋನ್‌ಗಳನ್ನು ಹಾರಿಸಿದ ಇರಾನ್: ಯುದ್ಧದ ಭೀತಿ

ಡಮಾಸ್ಕಸ್‌ನಲ್ಲಿರುವ ಇರಾನಿನ ರಾಯಭಾರ ಕಚೇರಿಯ ಮೇಲೆ ಕಳೆದ ವಾರ ಇಸ್ರೇಲ್ ದಾಳಿ...