- ಮಾರ್ಚ್ 22ರಿಂದಲೇ ಹೊಸ ಆದೇಶ ಜಾರಿಗೆ
- ಪ್ರಯಾಣಿಕರ ಅನುಕೂಲಕ್ಕಾಗಿ ಬದಲಾವಣೆ
ಎಸ್ಎಸ್ಎಸ್ ಹುಬ್ಬಳ್ಳಿ ಮತ್ತು ಕೆಎಸ್ಆರ್ ಬೆಂಗಳೂರು ನಡುವೆ ಇತ್ತೀಚೆಗೆ ಪರಿಚಯಿಸಲಾದ ರೈಲು ಸಂಖ್ಯೆ 07339/07340 ಮತ್ತು 07353/07354ರ ರೈಲು ಗಾಡಿಗಳು ಪ್ರಯಾಣಿಕರ ಅನುಕೂಲಕ್ಕಾಗಿ ಕೆಲವು ನಿಲ್ದಾಣಗಳಲ್ಲಿ ಹೆಚ್ಚುವರಿ ಸಮಯ ನಿಲುಗಡೆಗೆ ಅವಕಾಶ ಒದಗಿಸಲಾಗಿದೆ.
ಮಾರ್ಚ್ 22ರಿಂದ ಜಾರಿಗೆ ಬರುವಂತೆ, ಈ ರೈಲು (07339) ಬೆಳಿಗ್ಗೆ 03:33 ಕ್ಕೆ ಅರಸೀಕೆರೆಗೆ ಆಗಮಿಸುತ್ತದೆ. ಬೆಳಿಗ್ಗೆ 03:36ಕ್ಕೆ ಹೊರಡುತ್ತದೆ. ಅದೇ ರೀತಿ ರೈಲು ಸಂಖ್ಯೆ 07340 ಕೆಎಸ್ಆರ್ ಬೆಂಗಳೂರು-ಎಸ್ಎಸ್ಎಸ್ ಹುಬ್ಬಳ್ಳಿ ಡೈಲಿ ಸ್ಪೆಷಲ್ ಎಕ್ಸ್‌ಪ್ರೆಸ್‌ ಮಾರ್ಚ್ 23ರಿಂದ ಮುಂಜಾನೆ 02:07ಕ್ಕೆ ಅರಸೀಕೆರೆಗೆ ಬಂದು 02:10ಕ್ಕೆ ಹೊರಡಲಿದೆ.
ರೈಲು ಸಂಖ್ಯೆ 07353/07354 ಕೆಎಸ್ಆರ್ ಬೆಂಗಳೂರು-ಎಸ್ಎಸ್ಎಸ್ ಹುಬ್ಬಳ್ಳಿ-ಕೆಎಸ್ಆರ್ ಬೆಂಗಳೂರು ಡೈಲಿ ಎಕ್ಸ್‌ಪ್ರೆಸ್‌ ವಿಶೇಷ ರೈಲು ಯಶವಂತಪುರ, ತುಮಕೂರು ಮತ್ತು ಅರಸೀಕೆರೆ ನಿಲ್ದಾಣಗಳಲ್ಲಿ ಹೆಚ್ಚು ಸಮಯ ನಿಲುಗಡೆಯನ್ನು ಹೊಂದಿರುತ್ತದೆ.
ಈ ರೈಲು (07353) ಯಶವಂತಪುರದಿಂದ ಬೆಳಿಗ್ಗೆ 07.39/07.41ಕ್ಕೆ, ತುಮಕೂರು 08.28/08.30ಕ್ಕೆ ಮತ್ತು ಅರಸೀಕೆರೆ ಬೆಳಿಗ್ಗೆ 09.40/09.43ಕ್ಕೆ ಆಗಮಿಸಿ, ನಿರ್ಗಮಿಸುತ್ತದೆ. ಅದೇ ರೀತಿ ರೈಲು ಸಂಖ್ಯೆ 07354 ಅರಸೀಕೆರೆಯಿಂದ ರಾತ್ರಿ 7.17ಕ್ಕೆ, ತುಮಕೂರು ರಾತ್ರಿ 8.48ಕ್ಕೆ ಹಾಗೂ ಯಶವಂತಪುರದಿಂದ ರಾತ್ರಿ 10.08ಕ್ಕೆ ಹೊರಡಲಿದೆ.
