ಕೊಡಗು ಜಿಲ್ಲೆಯಲ್ಲಿ ಮಂಗಳವಾರ ಬೆಳಗ್ಗೆ 8.30ಕ್ಕೆ ಕೊನೆಗೊಂಡ ಕಳೆದ 24 ಗಂಟೆಗಳ ಅವಧಿಯಲ್ಲಿ ಸರಾಸರಿ 8.90 ಮಿ.ಮೀ. ಮಳೆಯಾಗಿದೆ. ಕಳೆದ ವರ್ಷ ಇದೇ ದಿನ ಜಿಲ್ಲೆಯಲ್ಲಿ 11.08 ಮಿ.ಮೀ. ಮಳೆಯಾಗಿತ್ತು. ಜನವರಿಯಿಂದ ಇದುವರೆಗೆ ಜಿಲ್ಲೆಯಲ್ಲಿ 1,084.01 ಮಿ.ಮೀ. ಮಳೆಯಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 2,173.95 ಮಿ.ಮೀ. ಮಳೆಯಾಗಿತ್ತು.
ತಾಲ್ಲೂಕುವಾರು ಮಳೆ ವಿವರದ ಪ್ರಕಾರ, ಮಡಿಕೇರಿ ತಾಲ್ಲೂಕಿನಲ್ಲಿ 32.40 ಮಿ.ಮೀ. ಮಳೆಯಾಗಿದ್ದು, ಕಳೆದ ವರ್ಷ ಇದೇ ದಿನ 14.40 ಮಿ.ಮೀ. ಮಳೆಯಾಗಿತ್ತು. ಜನವರಿಯಿಂದ ಇದುವರೆಗೆ 1,697.64 ಮಿ.ಮೀ. ಮಳೆಯಾಗಿದ್ದು, ಕಳೆದ ವರ್ಷ ಇದೇ ಅವಧಿಯಲ್ಲಿ 3,269.50 ಮಿ.ಮೀ. ದಾಖಲಾಗಿತ್ತು.
ವಿರಾಜಪೇಟೆ ತಾಲ್ಲೂಕಿನಲ್ಲಿ 4.50 ಮಿ.ಮೀ., ಪೊನ್ನಂಪೇಟೆ 2.10 ಮಿ.ಮೀ., ಸೋಮವಾರಪೇಟೆ 3.10 ಮಿ.ಮೀ. ಹಾಗೂ ಕುಶಾಲನಗರ 2.40 ಮಿ.ಮೀ. ಮಳೆಯಾಗಿದೆ. ಈ ಎಲ್ಲ ತಾಲ್ಲೂಕುಗಳಲ್ಲೂ ಕಳೆದ ವರ್ಷದ ಇದೇ ಅವಧಿಗೆ ಹೋಲಿಸಿದರೆ ಈ ವರ್ಷದ ಒಟ್ಟು ಮಳೆಯ ಪ್ರಮಾಣ ಗಮನಾರ್ಹವಾಗಿ ಕಡಿಮೆಯಾಗಿದೆ.
ಹೋಬಳಿವಾರು ಮಳೆ ವಿವರದಲ್ಲಿ ಹುದಿಕೇರಿ ಹೋಬಳಿಯಲ್ಲಿ ಅತಿ ಹೆಚ್ಚು 66.80 ಮಿ.ಮೀ. ಮಳೆಯಾಗಿದ್ದು, ಭಾಗಮಂಡಲ 47.60 ಮಿ.ಮೀ., ಸಂಪಾಜೆ 34.80 ಮಿ.ಮೀ., ನಾಪೋಕ್ಲು 21.80 ಮಿ.ಮೀ., ಮಡಿಕೇರಿ 20.90 ಮಿ.ಮೀ. ಮಳೆಯಾಗಿದೆ. ಉಳಿದಂತೆ ವಿರಾಜಪೇಟೆ 5.40, ಸುಂಟಿಕೊಪ್ಪ 5.10, ಶಾಂತಳ್ಳಿ 6.70, ಅಮ್ಮತ್ತಿ 3.40, ಕುಶಾಲನಗರ 2.40, ಶ್ರೀಮಂಗಲ 1.10, ಸೋಮವಾರಪೇಟೆ 1.00, ಕೊಡ್ಲಿಪೇಟೆ 0.80, ಪೊನ್ನಂಪೇಟೆ 0.50, ಶನಿವಾರಸಂತೆ 0.40 ಹಾಗೂ ಬಾಳೆಲೆ 0.30 ಮಿ.ಮೀ. ಮಳೆಯಾಗಿದೆ.
ಹಾರಂಗಿ ಜಲಾಶಯ ಭರ್ತಿಯತ್ತ
ಹಾರಂಗಿ ಜಲಾಶಯದ ಗರಿಷ್ಠ ಮಟ್ಟ 2,859 ಅಡಿ ಇದ್ದು, ಪ್ರಸ್ತುತ ನೀರಿನ ಮಟ್ಟ 2,857.22 ಅಡಿ ತಲುಪಿದೆ. ಕಳೆದ ವರ್ಷ ಇದೇ ದಿನ ಜಲಾಶಯದ ಮಟ್ಟ 2,855.84 ಅಡಿ ಇತ್ತು.
ಜಲಾಶಯ ಪ್ರದೇಶದಲ್ಲಿ ಕಳೆದ 24 ಗಂಟೆಗಳಲ್ಲಿ 1.80 ಮಿ.ಮೀ. ಮಳೆಯಾಗಿದ್ದು, ಕಳೆದ ವರ್ಷ ಇದೇ ದಿನ 1.20 ಮಿ.ಮೀ. ಮಳೆಯಾಗಿತ್ತು. ಜಲಾಶಯಕ್ಕೆ ಪ್ರಸ್ತುತ 7,147 ಕ್ಯುಸೆಕ್ ನೀರು ಒಳಹರಿವಾಗುತ್ತಿದ್ದು, ಕಳೆದ ವರ್ಷ ಇದೇ ದಿನ 4,050 ಕ್ಯುಸೆಕ್ ಒಳಹರಿವು ದಾಖಲಾಗಿತ್ತು.
ಈ ವಿಶೇಷ ಸುದ್ದಿ ಓದಿದ್ದೀರಾ?ಅರಣ್ಯ, ಹಾಡಿ, ದುರ್ಗಮ ಹಾದಿಗಳ ನಡುವೆ ‘SIR’ ಶೇ.100: ಚಾಮರಾಜನಗರದ ಸಾಧನೆ ಹೇಗೆ ಸಾಧ್ಯವಾಯಿತು?
ಪ್ರಸ್ತುತ ಜಲಾಶಯದಿಂದ 6,291 ಕ್ಯುಸೆಕ್ ನೀರನ್ನು ನದಿಗೆ ಹಾಗೂ 500 ಕ್ಯುಸೆಕ್ ನೀರನ್ನು ನಾಲೆಗೆ ಬಿಡುಗಡೆ ಮಾಡಲಾಗುತ್ತಿದೆ. ಕಳೆದ ವರ್ಷ ಇದೇ ದಿನ ನದಿಗೆ 2,625 ಕ್ಯುಸೆಕ್ ನೀರು ಹರಿಸಲಾಗುತ್ತಿತ್ತು.
