ಮಲಯಾಳಂ ನಟ ಮತ್ತು ಮಿಮಿಕ್ರಿ ಕಲಾವಿದ ಕಲಾಭವನ್ ನವಾಸ್ ಕೇರಳದ ಕೊಚ್ಚಿಯ ಚೊಟ್ಟನಿಕ್ಕರದಲ್ಲಿರುವ ಹೋಟೆಲ್ ಕೋಣೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಹೃದಯಾಘಾತದಿಂದ ಮೃತಪಟ್ಟಿರಬಹುದು ಎಂದು ಶಂಕಿಸಲಾಗಿದೆ.
ಚಲನಚಿತ್ರಗಳು, ಟಿವಿ ಕಾರ್ಯಕ್ರಮ ಮತ್ತು ವಿವಿಧ ಕಾರ್ಯಕ್ರಮಗಳಲ್ಲಿ ಹೆಸರುವಾಸಿಯಾಗಿದ್ದ ಕಲಾಭವನ್ ನವಾಸ್ ಅವರು ಹಾಸ್ಯ ಮತ್ತು ಮಿಮಿಕ್ರಿಯಲ್ಲಿ ಹೆಚ್ಚಾಗಿ ತೊಡಗಿಕೊಂಡಿದ್ದರು.
ಇದನ್ನು ಓದಿದ್ದೀರಾ? ಚಿಕ್ಕಮಗಳೂರು | ನಾಪತ್ತೆಯಾಗಿದ್ದ ಫಾರೆಸ್ಟ್ ಗಾರ್ಡ್ ಶವವಾಗಿ ಪತ್ತೆ
ಕಲಾಭವನ್ 1995ರ ‘ಚೈತನ್ಯಂ’ ಚಲನಚಿತ್ರದೊಂದಿಗೆ ತಮ್ಮ ಸಿನಿಮೀಯ ಪ್ರಯಾಣವನ್ನು ಪ್ರಾರಂಭಿಸಿದ್ದು, ‘ಜೂನಿಯರ್ ಮಂದ್ರಕೆ’, ‘ಅಮ್ಮ ಅಮ್ಮಾಯಮ್ಮ’, ‘ಮೀನಾಕ್ಷಿ ಕಲ್ಯಾಣಂ’, ‘ಮಟ್ಟುಪೆಟ್ಟಿ ಮಚ್ಚನ್’, ‘ಮೈ ಡಿಯರ್ ಕರಡಿ’, ‘ಚಂದಮಾಮ’, ‘ಎಬಿಸಿಡಿ’, ‘ಕೋಬ್ರಾ’, ‘ವೆಟ್ಟಂ’, ‘ಒನ್ ಮ್ಯಾನ್ ಶೋ’, ‘ಮೇರಾ ನಾಮ್ ಶಾಜಿ’ ಮುಂತಾದ ವಿವಿಧ ಪ್ರಸಿದ್ಧ ಚಲನಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಇತ್ತೀಚೆಗೆ ಅವರ ‘ಡಿಟೆಕ್ಟಿವ್ ಉಜ್ವಲನ್’ ಸಿನಿಮಾ ಬಿಡುಗಡೆಗೊಂಡಿದೆ.
ನವಾಸ್ 2002ರಲ್ಲಿ ವಿವಾಹವಾಗಿದ್ದು ಅವರ ಪತ್ನಿ ರೆಹ್ನಾ ನವಾಸ್ ಕೂಡಾ ನಟಿ. ನವಾಸ್ ಅವರು ಮಲಯಾಳಂ ಚಿತ್ರರಂಗದ ಖ್ಯಾತ ನಟ ಮತ್ತು ರಂಗಭೂಮಿ ಕಲಾವಿದ ಅಬೂಬಕರ್ ಅವರ ಮಗ.
