ಪರ್ಷಿಯನ್ ವರ್ಷಾರಂಭದ ಮೊದಲ ದಿನವನ್ನು ಆಚರಿಸುತ್ತಿರುವ ಇರಾನಿನ ಪ್ರಜೆಗಳು ಇರಾನಿನಲ್ಲಿ ಮದ್ದು ಗುಂಡುಗಳ ಭಯದ ನೆರಳಲಿ ವರ್ಷಾರಂಭದ ಶುರುವಾತಿಗೆ ಋಜು.
ಪ್ರತಿವರ್ಷ ಈ ದಿನ ಸಂಭ್ರಮ ಮನೆ ಮಾಡುತ್ತಿತ್ತು. ಈ ಬಾರಿ ನಾವು ಮಿಂಚಿ ಓಡುವ ಕಾಲದ ಜೊತೆ ನಮ್ಮನ್ನು ನಾವು ಕಳೆದುಕೊಂಡಿದ್ದೇವೆ ಎನ್ನುತ್ತಾರೆ 50ರ ಪ್ರಾಯದ ಇರಾನ್ ಮಹಿಳೆ ಮಿನಾ.
ಈ ವರ್ಷ ಪರಿಸ್ಥಿತಿ ಬೇರೆಯೇ ಇದೆ, ಪ್ರತಿದಿನವೂ ಧೀರ್ಘವೆನಿಸುವುದು. ಕಾಲಚಕ್ರದ ನಡುವೆ ನಮ್ಮ ಅಸ್ತಿತ್ವ ಕಳೆದು ಹೋದಂತಿದೆ ಎಂದು ಕಣ್ಣೀರಾಗುತ್ತಾರೆ. ಪ್ರತಿ ನೊವರುಜ್ನಲ್ಲಿ ನಾವು ಹೊಸಬಟ್ಟೆ ಖರೀದಿಸುತ್ತಿದ್ದೆವು, ಸಿಹಿ ತಯಾರಿಸಿ, ಮನೆ ತುಂಬಾ ಖುಶಿಯಿಂದ ಓಡಾಡುತ್ತಾ ಹಬ್ಬವನ್ನು ಸಂಭ್ರಮಿಸುತ್ತಿದ್ದೆವು.
ನೊವರುಜ್ ಎಂದರೆ ಹೊಸ ದಿನ ಎಂದು ಅರ್ಥ. ಜಗತ್ತಿನ ಹಲವು ಭಾಗಗಳಲ್ಲಿ ವಸಂತನ ಆಗಮನ ಮಾಡಿಕೊಳ್ಳುವ ದಿನಗಳಿವು. ಪ್ರಕೃತಿ ಮರುಹುಟ್ಟು ಪಡೆಯುವ ಈ ಮಾಸದಲ್ಲಿ ಇರಾನ್ ಹೊಸವರ್ಷ ಆಚರಿಸುತ್ತದೆ. ಸುಮಾರು 3000 ಸಾವಿರ ವರುಷಗಳ ಇತಿಹಾಸವಿದೆ ಇರಾನಿಯಾರ ನೊವ್ರುಜ್ ಆಚರಣೆಗೆ. ಆದರೆ ಈ ಬಾರಿಯ ನೊವ್ರುಝ್ ಬಹುತೇಕ ಇರಾನಿಯರಿಗೆ ಯುದ್ದದೊಂದಿಗೆ ನೊವರುಜ್ ಸಂಭ್ರಮ ಆಚರಿಸುವ ದೌರ್ಭಾಗ್ಯ ಇದೇ ಮೊದಲು. ಹಿಂದೆ 1980 ರಲ್ಲಿ ಇರಾಕಿನೊಡನೆ ಯುದ್ದ ನಡೆದ ಸಂದರ್ಭದಲ್ಲಿ ಯುದ್ದದ ನಡುವೆ ಹೊಸ ವರುಷದ ಆಚರಣೆ ಮಾಡಿದ್ದ ಇರಾನಿಗರಿಗೆ ಇದು 80ರ ದುರಂತವ ನೆನಪಿಸುವ ವರುಷ.
ಫೆಬ್ರವರಿ 28ರಿಂದ ಅಮೆರಿಕ ಮತ್ತು ಇಸ್ರೇಲ್ನಿಂದ ಸತತ ದಾಳಿಗೆ ಒಳಗಾದ ಇರಾನ್ ಅಕ್ಷರಶಃ ಸಾವು ನೋವಿನ ಸ್ಮಶಾಣದಂತಾಗಿದೆ. ಅಮೆರಿಕ ಮೂಲದ ಮಾನವಹಕ್ಕು ಹೋರಾಟಗಾರರ ವರದಿಯ ಪ್ರಕಾರ ಇದುವರೆಗಿನ ದಾಳಿಯಿಂದ 1354 ಮಂದಿ ಇರಾನಿನ ನಾಗರಿಕರು 207 ಮಕ್ಕಳು ಸೇರಿ ಒಟ್ಟು 3114 ಜನ ಬಲಿಯಾಗಿದ್ದಾರೆ. ಇದಕ್ಕೆ ಪ್ರತಿಯಾಗಿ ಟೆಹರಾನ್ ಇಸ್ರೇಲ್ ಹಾಗೂ ಅಮೆರಿಕ ಮೈತ್ರಿ ಹೊಂದಿರುವ ಕೊಲ್ಲಿ ರಾಷ್ಟ್ರಗಳ ಮೇಲೆ ಸರಣಿ ದಾಳಿ ನಡೆಸಿದೆ.
ಟೆಹರಾನಿನಿಂದ ದಮಾವಾಂಡ್ಗೆ ತನ್ನ ಕುಟುಂಬದವರೊಂದಿಗೆ ಸ್ಥಳಾಂತರಗೊಂಡಿರುವ ಮಿನಾ ಪುತ್ರ ಅಮಿರ್ ನೊವರುಜ್ ಪ್ರಸ್ತುತ ಸ್ಥಿತಿ ಬಹಳವೇ ಬದಲಾಗಿದೆ. ಜನರು ಈ ಯುದ್ದದಿಂದ ಕೆಲಸ ಕಳೆದುಕೊಳ್ಳುತ್ತಿದ್ದಾರೆ. ನನ್ನ ದೇಶ ಅದರ ಸಂರಚನೆಯನ್ನೇ ಕಳೆದುಕೊಳ್ಳುತ್ತಿರುವ ಭಯ ಕಾಡುತ್ತದೆ ಎನ್ನುತ್ತಾರೆ.
ಈಗ ಇರಾನಿನಲ್ಲಿ ಏನೂ ಉಳಿದಿಲ್ಲ, ಇದು ನಮ್ಮ ಕೊನೆಯ ಹೊಸ ವರುಷ ಆಗದಿರಲಿ ಎಂದು ಮಾಧ್ಯಮದ ಮುಂದೆ ಕಳವಳ ವ್ಯಕ್ತಪಡಿಸಿದ್ದಾರೆ.
