ಈ ದಿನ ಸಂಪಾದಕೀಯ | ಪ್ರಧಾನಿಗೆ 9 ವರ್ಷಗಳಿಂದ ಕಾಣದ ಅಕ್ಕತಂಗಿಯರ ಸಂಕಟ ಈಗ ಕಂಡಿದ್ದು ಹೇಗೆ?

Date:

ಮೋದಿ ಸರ್ಕಾರವು ಕಳೆದ ಒಂಭತ್ತು ವರ್ಷಗಳಿಂದ ದೇಶದ ಜನರ ಬದುಕುಗಳೊಂದಿಗೆ ಮನಸೋ ಇಚ್ಛೆ ವರ್ತಿಸಿದೆ. ಹಿಂದೆಂದೂ ಇಲ್ಲದಷ್ಟು ಪ್ರಮಾಣದ, ಅಮಾನುಷ, ಕ್ರೌರ್ಯ ಎನ್ನಬಹುದಾದ ರೀತಿಯ ಬೆಲೆ ಏರಿಕೆ ಮೋದಿಯವರ ಕಾಲದಲ್ಲಿ ಆಗಿದೆ. ಅದೆಲ್ಲವನ್ನೂ ಮರೆಮಾಚುವಂತೆ ಈಗ ಕೇವಲ ಅಡುಗೆ ಅನಿಲದ ಬೆಲೆ 200 ರೂಪಾಯಿ ಇಳಿಸಿ ಜನರ ಮನ ಗೆಲ್ಲಬಹುದೆಂದು ಮೋದಿಯವರು ಭಾವಿಸಿದರೆ ಅದು ಮೂರ್ಖತನವಾದೀತು.

ಗೃಹ ಬಳಕೆಯ ಅಡುಗೆ ಅನಿಲ ಸಬ್ಸಿಡಿಯಾಗಿ 200 ರೂಪಾಯಿ ಕೊಡುವ ಕೇಂದ್ರ ಸರ್ಕಾರದ ನಿರ್ಧಾರವು ತೀರಾ ಅನಿರೀಕ್ಷಿತವೇನೂ ಅಲ್ಲ. ಗೋದಿ ಮೀಡಿಯಾ ಇದು ಜನರ ಕಣ್ಣೀರೊರೆಸುವ ಅಭೂತಪೂರ್ವ ಕ್ರಮ ಎನ್ನುವಂತೆ ಬಿಂಬಿಸಲು ವಿಫಲ ಪ್ರಯತ್ನ ನಡೆಸಿದರೂ, ಇದು ಬರಲಿರುವ ಚುನಾವಣೆಯ ಹಿನ್ನೆಲೆಯಲ್ಲಿ ತೆಗೆದುಕೊಂಡ ಕ್ರಮ ಎಂದು ಬಹುತೇಕ ಎಲ್ಲ ವಿಶ್ವಾಸಾರ್ಹ ಮಾಧ್ಯಮಗಳೂ ವಿಶ್ಲೇಷಿಸಿವೆ. ಈ ವರ್ಷದ ಅಂತ್ಯದಲ್ಲಿ ನಡೆಯಲಿರುವ ನಾಲ್ಕು ರಾಜ್ಯಗಳ ವಿಧಾನಸಭಾ ಚುನಾವಣೆ ಮತ್ತು ಮುಂದಿನ ವರ್ಷ ನಡೆಯಲಿರುವ ಲೋಕಸಭಾ ಚುನಾವಣೆಯ ದೃಷ್ಟಿಯಿಂದ ಮೋದಿ ಸರ್ಕಾರ ಅಡುಗೆ ಅನಿಲಕ್ಕೆ 200 ರೂಪಾಯಿ ಸಬ್ಸಿಡಿ ನೀಡಲು ಮುಂದಾಗಿದೆ ಎನ್ನುವುದು ಈಗ ಸರ್ವವೇದ್ಯ.

- Advertisement -

ಮೋದಿ ಸರ್ಕಾರ ಅಡುಗೆ ಅನಿಲದ ಮೇಲಿನ ಸಬ್ಸಿಡಿಯನ್ನು ನಿಲ್ಲಿಸಿದ್ದು 2020ರಲ್ಲಿ. ಅದೂ ಯಾವ ಪೂರ್ವಸೂಚನೆಯೂ ಇಲ್ಲದೇ, ಜನರಿಗೆ ಮಾಹಿತಿಯೇ ನೀಡದೇ ಅಡುಗೆ ಅನಿಲದ ಸಬ್ಸಿಡಿಯನ್ನು ದಿಢೀರ್ ನಿಲ್ಲಿಸಲಾಗಿತ್ತು. ನಂತರ ಅದನ್ನು ಜನ ನಿಧಾನಕ್ಕೆ ತಮ್ಮಷ್ಟಕ್ಕೆ ತಾವು ಕಂಡುಕೊಂಡರೆ ವಿನಾ ಸರ್ಕಾರ ಅದನ್ನು ಅಧಿಕೃತವಾಗಿ ಪ್ರಕಟಿಸಲೇ ಇಲ್ಲ. ಮೊದಲ ಬಾರಿಗೆ ಸರ್ಕಾರವೊಂದು ಈ ರೀತಿ ಜನರಿಗೆ ಉತ್ತರದಾಯಿಯಲ್ಲದ ರೀತಿ ವರ್ತಿಸಿತ್ತು. ಈ ಮೂಲಕ ಮೋದಿಯವರ ಆಡಳಿತದ ಅವಧಿ ಎಂದರೆ, ಜನರ ಮತ್ತು ಸರ್ಕಾರದ ನಡುವೆ ಇರಬೇಕಾದ ಮೂಲಭೂತ ಸಂವಹನವೇ ಇಲ್ಲವಾಗಿದ್ದ ಗುಮಾನಿಯ ಕಾಲ ಎನ್ನುವ ಭಾವನೆ ಮೂಡಿತು.      

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಮಹಿಳಾ ಮೀಸಲಾತಿ ಮರೆಯಲ್ಲಿ ಕ್ಷೇತ್ರ ಮರುವಿಂಗಡಣೆ: ವಿರೋಧ ಪಕ್ಷಗಳ...

2023ರ ಮಹಿಳಾ ಮೀಸಲಾತಿ ಕಾಯ್ದೆಯನ್ನು ಅನಗತ್ಯವಾಗಿ ಕ್ಷೇತ್ರ ಪುನರ್ವಿಂಗಡಣೆಯೊಂದಿಗೆ ತಳುಕು ಹಾಕಿರುವ ಮೋದಿ ಸರ್ಕಾರದ ನಡೆ, ಭಾರತೀಯ ಪ್ರಜಾಪ್ರಭುತ್ವ ಮತ್ತು ಸಂಸದೀಯ ಇತಿಹಾಸದಲ್ಲಿಯೇ ಒಂದು ಅಪರೂಪದ ರಾಜಕೀಯ ಹಾಗೂ ಸಾಂವಿಧಾನಿಕ ಬಿಕ್ಕಟ್ಟನ್ನು ಸೃಷ್ಟಿಸಿದೆ....

ಖಾಸಗಿ ವೈದ್ಯರ ಎಡವಟ್ಟು; ಬಡ ಕುಟುಂಬದ ಆಧಾರ ಸ್ತಂಭ...

ಆತ ಕೂಲಿ‌ ಕೆಲಸ ಮಾಡಿಕೊಂಡು ಹಂಗೊ ಹೆಂಗೋ ಜೀವನ‌ ನಡೆಸಿಕೊಂಡು ಬಂದಿದ್ದ ಚಿರ ಯೌವ್ವನದ ಯುವಕ. ತನ್ನ ಮನೆ ಜವಾಬ್ದಾರಿಯನ್ನು ತನ್ನದೇ ಹೆಗಲ ಮೇಲೆರಿಸಿ ಕಷ್ಟಪಟ್ಟು ದುಡಿದು ತನ್ನ ಇಬ್ಬರು ಸಹೋದರಿಯರಿಗೆ ಮದುವೆಯನ್ನೂ...

ಭಾಷಣಗಳಲ್ಲಿ ಆಗಾಗ ಎಡವಟ್ಟು, ಸುಳ್ಳು-ಅತಿಶಯೋಕ್ತಿಯೇ ಮೇಲುಗೈ: ನವಭಾರತದ ‘ಪಪ್ಪು’...

ಒಂದು ಕಾಲದಲ್ಲಿ ರಾಹುಲ್ ಗಾಂಧಿ ಅವರನ್ನು ಅಪಹಾಸ್ಯ ಮಾಡಲು ಬಳಸುತ್ತಿದ್ದ 'ಪಪ್ಪು' ಎಂಬ ಪದವೇ ಇದೀಗ ಮೋದಿ ಅವರತ್ತ ತಿರುಗಿದೆ. 1987-88ರ ಡಿಜಿಟಲ್ ಕ್ಯಾಮೆರಾ-ಇಮೇಲ್ ಕಥೆಯಿಂದ ಹಿಡಿದು ಐತಿಹಾಸಿಕ ಪ್ರಮಾದಗಳವರೆಗೆ, ಮೋದಿ ಅವರ...

ರಾಷ್ಟ್ರೀಯ ಮಾದರಿ ಸಮೀಕ್ಷಾ ಕಚೇರಿ (ಎನ್‌ಎಸ್‌ಎಸ್‌ಒ) ಸಮೀಕ್ಷೆಯ ಪ್ರಕಾರ, ಗ್ರಾಮೀಣ ಪ್ರದೇಶದ ಶೇ.50ರಷ್ಟು ಮತ್ತು ನಗರ ಪ್ರದೇಶಗಳ ಶೇ.90ರಷ್ಟು ಜನರಿಗೆ ಅಡುಗೆ ಅನಿಲವೇ ಪ್ರಮುಖ ಇಂಧನ ಮೂಲವಾಗಿದೆ. ಜನ ವ್ಯಾಪಕವಾಗಿ ಬಳಸುವ ಅಡುಗೆ ಅನಿಲದ ಬೆಲೆಯನ್ನು ಕಳೆದ ಕೆಲ ವರ್ಷಗಳಲ್ಲಿ ವಿಪರೀತವಾಗಿ, ಅತಾರ್ಕಿಕವಾಗಿ ಹೆಚ್ಚಿಸಲಾಗಿತ್ತು. ಫೆಬ್ರವರಿ 2021ರಿಂದ ಅಕ್ಟೋಬರ್ 2022ರವರೆಗೆ ಒಟ್ಟು 13 ಬಾರಿ ಹೆಚ್ಚಿಸಲಾಗಿತ್ತು; ಎರಡೇ ವರ್ಷಗಳಲ್ಲಿ ಅಡುಗೆ ಅನಿಲದ ಬೆಲೆ 328 ರೂಪಾಯಿ ಹೆಚ್ಚಾಗಿತ್ತು ಎಂದರೆ, ಏರಿಕೆಯ ಪ್ರಮಾಣ ಯಾವ ಮಟ್ಟದಲ್ಲಿತ್ತು ಎನ್ನುವುದು ಅರ್ಥವಾಗುತ್ತದೆ. ಜನ ಬೆಲೆ ಏರಿಕೆಯಿಂದ ಹೈರಾಣಾದರು.   

ಸರ್ಕಾರ ಯಾವಾಗ ಅಡುಗೆ ಅನಿಲದ ಬೆಲೆ ಏರಿಕೆ ಮಾಡಿದರೂ, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಏರಿಕೆ ಆಗಿದೆ ಎನ್ನುವ ಗುಮ್ಮನನ್ನು ಜನರ ಮುಂದಿಡುತ್ತದೆ. ಆದರೆ, ಅದು ಅಪ್ಪಟ ಸುಳ್ಳಿನ ಕಂತೆ. 2022ರ ಮೇನಲ್ಲಿ ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾ ತೈಲದ ಬೆಲೆ ಬ್ಯಾರಲ್‌ಗೆ 118 ಡಾಲರ್ ಆಗಿತ್ತು. ಕಳೆದ ಏಳು ತಿಂಗಳಿನಿಂದ ಅದು 60 ರಿಂದ 80 ಡಾಲರ್‌ಗೆ ಇಳಿದಿದೆ. ಆದರೂ ಅಡುಗೆ ಅನಿಲದ ಬೆಲೆ ಇಳಿಕೆಯಾಗಲೇ ಇಲ್ಲ. ಅನೇಕ ಜನ ಇದನ್ನು ಆಗಿಂದಾಗ್ಗೆ ಪ್ರಶ್ನಿಸುತ್ತಲೇ ಇದ್ದಾರೆ. ಆದರೆ, ಸರ್ಕಾರ ಸುಳ್ಳುಗಳಿಂದ ಅದನ್ನು ಸಮರ್ಥಿಸಿಕೊಳ್ಳುತ್ತಲೇ ಸಾಗಿತ್ತು.

ಕೇವಲ 400-500 ರೂಪಾಯಿ ಆಸುಪಾಸಿನಲ್ಲಿದ್ದ ಅಡುಗೆ ಅನಿಲದ ಬೆಲೆ ಮೋದಿಯವರು ಪ್ರಧಾನಿಯಾದ 1150 ರೂಪಾಯಿಗೆ ಮುಟ್ಟಿತು. ಈಗ ಅದರಲ್ಲಿ ಕೇವಲ 200 ರೂಪಾಯಿ ಇಳಿಕೆ ಮಾಡಿದ್ದಾರೆ. ಯಥಾಪ್ರಕಾರ, ಮೋದಿ ಏನೇ ಮಾಡಿದರೂ ಅದೊಂದು ಅಭೂತಪೂರ್ವ ಕ್ರಮ ಎಂದು ಕೊಂಡಾಡುವ ಅವರ ಸಚಿವ ಸಂಪುಟದ ಸಹೋದ್ಯೋಗಿಗಳು ಈ ಕ್ರಮವನ್ನೂ ಹೊಗಳುತ್ತಿದ್ದಾರೆ. ‘ಮೋದಿಯವರು ಸಹೋದರಿಯರಿಗೆ ರಕ್ಷಾ ಬಂಧನದ ಕೊಡುಗೆ ನೀಡಿದ್ದಾರೆ’ ಎಂದು ಸಚಿವೆ ಸ್ಮೃತಿ ಇರಾನಿ, ಸಚಿವ ಹರ್ದೀಪ್ ಪುರಿ ಬಣ್ಣಿಸಿದ್ದಾರೆ. ಗೃಹ ಸಚಿವ ಅಮಿತ್ ಶಾ ಅವರಂತೂ ಜನರ ಪರವಾಗಿ ಮೋದಿಯವರಿಗೆ ಕೃತಜ್ಞತೆಯನ್ನೇ ಸಲ್ಲಿಸಿದ್ದಾರೆ.             

ಆದರೆ, ಮೋದಿ ಸರ್ಕಾರದ ಈ ಕ್ರಮದ ಹಿಂದಿನ ಲೆಕ್ಕಾಚಾರಗಳನ್ನು ವಿರೋಧ ಪಕ್ಷಗಳು ಸರಿಯಾಗಿಯೇ ಬಣ್ಣಿಸಿವೆ.

ಬಿಜು ಜನತಾ ದಳ ‘ಇದು ಚುನಾವಣಾ ಗಿಮಿಕ್’ ಎಂದಿದೆ. “ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕಚ್ಚಾತೈಲದ ಬೆಲೆ ಇಳಿಕೆಯಾದಾಗ ಕೇಂದ್ರ ಸರ್ಕಾರವು ಗ್ರಾಹಕರಿಗೆ ಅದರ ಲಾಭವನ್ನು ವರ್ಗಾಯಿಸಲಿಲ್ಲ. ಕೇಂದ್ರಕ್ಕೆ ಆಗ ಮಹಿಳೆಯರ ಕಣ್ಣೀರು ಕಾಣಲಿಲ್ಲ. ಈಗ ಅವರಿಗೆ ಜನರ ನೋವು ಕಾಣುತ್ತಿದೆ” ಎಂದು ಬಿಜೆಡಿ ಟೀಕಿಸಿದೆ.

ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಅವರು ತೀಕ್ಷ್ಣ ಪ್ರತಿಕ್ರಿಯೆ ನೀಡಿದ್ದು, ‘ಮತ ಪ್ರಮಾಣ ಕಡಿಮೆಯಾಗತೊಡಗಿದಂತೆ ಕೊಡುಗೆ ನೀಡಿಕೆ ಆರಂಭವಾಗುತ್ತದೆ. ಜನರ ಕಷ್ಟದ ದುಡಿಮೆಯನ್ನು ನಿರ್ದಯವಾಗಿ ಲೂಟಿ ಮಾಡಿದ ಮೋದಿಯವರ ಸರ್ಕಾರವು ಈಗ ತಾಯಿ ಮತ್ತು ತಂಗಿಯರ ಬಗ್ಗೆ ಕಾಳಜಿ ತೋರುವಂತೆ ನಟಿಸುತ್ತಿದೆ’ ಎಂದು ಕಿಡಿ ಕಾರಿದ್ದಾರೆ. ಎನ್‌ಸಿಪಿ ಮುಖಂಡರಾದ ಸುಪ್ರಿಯಾ ಸುಳೆ, ‘ಇದು ಕರ್ನಾಟಕದಲ್ಲಿ ಕಾಂಗ್ರೆಸ್‌ ಎದುರು ಬಿಜೆಪಿ ಸೋತದ್ದರ ಪರಿಣಾಮ’ ಎಂದಿದ್ದಾರೆ.

ವಿರೋಧ ಪಕ್ಷಗಳ ಎಲ್ಲ ಹೇಳಿಕೆಗಳೂ ಸತ್ಯಾಂಶದಿಂದ ಕೂಡಿವೆ. ಮೋದಿ ಸರ್ಕಾರವು ಕಳೆದ ಒಂಭತ್ತು ವರ್ಷಗಳಿಂದ ದೇಶದ ಜನರ ಬದುಕುಗಳೊಂದಿಗೆ ಮನಸೋ ಇಚ್ಛೆ ವರ್ತಿಸಿದೆ. ಹಿಂದೆಂದೂ ಇಲ್ಲದಷ್ಟು ಪ್ರಮಾಣದ, ಅಮಾನುಷ, ಕ್ರೌರ್ಯ ಎನ್ನಬಹುದಾದ ರೀತಿಯ ಬೆಲೆ ಏರಿಕೆ ಮೋದಿಯವರ ಕಾಲದಲ್ಲಿ ಆಗಿದೆ. ಜನ ಇನ್ನಿಲ್ಲದಂತೆ ಬಳಲಿ ನರಳಿ ಸಂಕಟ ಅನುಭವಿಸಿದ್ದಾರೆ. ನೂರುಗಳ ಲೆಕ್ಕದಲ್ಲಿದ್ದ ವಸ್ತುಗಳು, ಸೇವೆಗಳ ಬೆಲೆ ಸಾವಿರಗಳ ಹಂತ ದಾಟಿ ಮುಂದೆ ಹೋಗಿದೆ. ಅದೆಲ್ಲವನ್ನೂ ಮರೆಮಾಚುವಂತೆ ಈಗ ಕೇವಲ ಅಡುಗೆ ಅನಿಲದ ಬೆಲೆ 200 ರೂಪಾಯಿ ಇಳಿಸಿ ಜನರ ಮನ ಗೆಲ್ಲಬಹುದೆಂದು ಮೋದಿಯವರು ಭಾವಿಸಿದರೆ ಅದು ಮೂರ್ಖತನವಾದೀತು. ಅವರ ಬಂಡವಾಳಿಗ ಮಿತ್ರರಿಗೆ ನೀಡಿದ ಶತಕೋಟಿಗಳ ವಿನಾಯಿತಿ, ಸಹಾಯಧನ, ಪ್ರೋತ್ಸಾಹವನ್ನು ಈ ದೇಶದ ಬಡವರು, ಶ್ರಮಿಕರು, ಕೂಲಿ ಕಾರ್ಮಿಕರು ಮರೆತಿಲ್ಲ ಎನ್ನುವುದನ್ನು ಪ್ರಧಾನಿ ಮೋದಿ ಮತ್ತು ಅವರ ಸರ್ಕಾರದಲ್ಲಿರುವವರು ಮರೆಯದಿರಲಿ. ಚುನಾವಣಾ ಕಾಲದ ಕೆಲವು ವಿನಾಯಿತಿಗಳು, ಸಬ್ಸಿಡಿಗಳು ಕೇಂದ್ರ ಸರ್ಕಾರದ ಒಂಭತ್ತು ವರ್ಷದ ಬೆಲೆ ಏರಿಕೆಯ ಸಂಕಟಗಳನ್ನು ಮರೆಮಾಚುವುದಿಲ್ಲ.

WhatsApp Image 2025 11 17 at 3.23.18 PM
ಈ ದಿನ ಸಂಪಾದಕೀಯ
+ posts

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಈ ದಿನ ಸಂಪಾದಕೀಯ | ಸಾರ್ವಜನಿಕ ಸಭ್ಯತೆ ಹಿನ್ನೆಲೆಗೆ; ಚಾಕು-ಚೂರಿ ಸಂಸ್ಕೃತಿ ಮುನ್ನೆಲೆಗೆ!

ಸಮಾಜಕ್ಕೆ ಇಂದು ಬೇಕಿರುವುದು ಚಾಕು-ಚೂರಿ ಹಿಡಿಯುವ ಕೈಗಳಲ್ಲ, ಕೈಕುಲುಕಿ ಸಮಸ್ಯೆ ಬಗೆಹರಿಸುವ...

ಈ ದಿನ ಸಂಪಾದಕೀಯ | ಬೆಳಕಿನ ಹಬ್ಬ ತರದಿರಲಿ ಹಲವರ ಬದುಕಿಗೆ ಕತ್ತಲೆ

ಅರಿವು ಹಾಗೂ ಅದರ ಸಂಕೇತವಾದ ಬೆಳಕಿನ ವಿಸ್ತರಣೆ ಆಗಬೇಕಿದ್ದ ದೀಪಾವಳಿಯು ಪ್ರತಿಷ್ಠೆಗೆ...

ಈ ದಿನ ಸಂಪಾದಕೀಯ | ಪೆಟ್ರೋಲ್‌ಗೆ ಮಿತಿಮೀರಿದ ಎಥೆನಾಲ್‌ ಮಿಶ್ರಣ; ಬಿಜೆಪಿ ನಾಯಕರ ಸುಳ್ಳಿನ ಕಥನ

ಕೇಂದ್ರ ಸರ್ಕಾರ ಹೇಳಿದ್ದು ಶೇ. 20ರಷ್ಟು ಎಥೆನಾಲ್‌ ಮಿಶ್ರಣ. ಆದರೆ ಪೆಟ್ರೋಲ್‌...

ಈ ದಿನ ಸಂಪಾದಕೀಯ | ಟ್ರಂಪ್‌ ಸೊಕ್ಕು ಮುರಿದ ಅಮೆರಿಕನ್ನರು; ಸರ್ವಾಧಿಕಾರದ ಮದಕ್ಕೆ ಜನಾದೇಶದ ಪೆಟ್ಟು!

ದ್ವೇಷ, ಜನಾಂಗೀಯ ಧ್ರುವೀಕರಣ, ಆಕ್ರಮಣಕಾರಿ ರಾಷ್ಟ್ರೀಯತೆ, ಯುದ್ಧೋನ್ಮಾದ ಹಾಗೂ ಕಾರ್ಪೊರೇಟ್ ಹಿತಾಸಕ್ತಿಗಳ...