2026-27ನೇ ಸಾಲಿನ ಕಬ್ಬಿನ ಖರೀದಿ ದರವನ್ನು ಪುನಃ ಪರಿಶೀಲಿಸಿ ಪ್ರತಿ ಟನ್‌ಗೆ ₹4,500 ನಿಗದಿಪಡಿಸುವಂತೆ ರಾಜ್ಯ ರೈತ ಸಂಘಟನೆಗಳ ಒಕ್ಕೂಟ ಹಾಗೂ ರಾಜ್ಯ ಕಬ್ಬು ಬೆಳೆಗಾರರ ಸಂಘ (ರಿ.) ಗುಡಗುಂಟಿ ಶುಗರ್ಸ್‌ಗೆ ಮನವಿ ಮಾಡಿದೆ.
ಬಾಗಲಕೋಟೆ ಜಿಲ್ಲೆಯ ಕಬ್ಬಿನ ಇಳುವರಿ ಪ್ರಮಾಣ ಕಡಿಮೆಯಾದರೂ ಅಲ್ಲಿನ ಸಕ್ಕರೆ ಕಾರ್ಖಾನೆಗಳು ಪ್ರಸಕ್ತ ಹಂಗಾಮಿ ಟನ್ ಕಬ್ಬಿಗೆ ಮೊದಲು ಕಂತಾಗಿ ₹3,800 ಘೋಷಿಸಿವೆ. ಜೊತೆಗೆ, ಸಕ್ಕರೆ ಮಾರಾಟದಿಂದ ಬರುವ ಲಾಭಾಂಶದಲ್ಲಿ ಶೇ.75ರಷ್ಟು ಪಾಲನ್ನು ರೈತರಿಗೆ ನೀಡುವುದಾಗಿ ತಿಳಿಸಿವೆ.
ಇದೇ ಮಾದರಿಯಲ್ಲಿ ಬೆಳಗಾವಿ ಜಿಲ್ಲೆಯ ಗುಡಗುಂಟಿ ಶುಗರ್ಸ್‌ನ ಶಿವಸಾಗರ ಕಾರ್ಖಾನೆಯೂ ರೈತರಿಗೆ ಮೊದಲ ಕಂತಾಗಿ ಪ್ರತಿ ಟನ್‌ಗೆ ₹3,800 ನೀಡಲಾಗಿದೆ. ಸಕ್ಕರೆಯ ಮಾರಾಟ ದರ ಪ್ರತಿ ಕ್ವಿಂಟಾಲ್‌ಗೆ ₹5,000 ದಾಟಿದರೆ ಹೆಚ್ಚುವರಿ ಲಾಭದಲ್ಲಿ ಶೇ.70ರಷ್ಟು ಪಾಲು ರೈತರಿಗೆ ನೀಡಲಾಗಿದೆ. ಒಟ್ಟಾರೆ ಪ್ರತಿ ಟನ್ ಕಬ್ಬಿಗೆ ₹4,500 ದರ ನಿಗದಿಪಡಿಸಬೇಕು ಎಂದು ಸಂಘಟನೆ ನಿಗದಿಪಡಿಸಿದೆ.
ರೈತರ ಬೇಡಿಕೆಯನ್ನು ಕಾರ್ಖಾನೆ ಆಡಳಿತ ಮಂಡಳಿ ನಿರ್ಲಕ್ಷಿಸಿದರೆ ಹೆಚ್ಚಿನ ದರ ನೀಡುವ ಇತರೆ ಸಕ್ಕರೆ ಕಾರ್ಖಾನೆಗಳಿಗೆ ಕಬ್ಬು ಸರಬರಾಜು ಮಾಡಲು ರೈತರು ಸೂಚಿಸಲಾಗಿದೆ ಎಂದು ಸೂಚಿಸಲಾಗಿದೆ.
ಈ ಕುರಿತು ನ.14ರಂದು ಕಾರ್ಖಾನೆಯ ವ್ಯವಸ್ಥಾಪಕ ನಿರ್ದೇಶಕರಿಗೆ ಮನವಿ ಸಲ್ಲಿಸಿರುವ ರೈತ ಸಂಘಟನೆ, ಪರಿಷ್ಕೃತ ಕಬ್ಬಿನ ದರದಲ್ಲಿ ನಾಲ್ಕು ದಿನಗಳ ಗಡುವು ನೀಡಿದೆ. ನಿಗದಿತ ಸಮಯದಲ್ಲಿ ಸೂಕ್ತ ಉತ್ತರ ಬಾರದಿದ್ದರೆ ಮುಂದಿನ ಹೋರಾಟದ ರೂಪುರೇಷೆಗಳನ್ನು ನಿರ್ಧರಿಸಲಾಗುವುದು ಎಂದು ಸಂಘಟನೆ ಎಚ್ಚರಿಕೆ ನೀಡಿದೆ.
ಈ ಸಂದರ್ಭದಲ್ಲಿ ರಾಜ್ಯ ಕಬ್ಬು ಬೆಳೆಗಾರರ ಸಂಘದ ರಾಜ್ಯ ಉಪಾಧ್ಯಕ್ಷ ಶ್ರೀ ಸುರೇಶ ಮಲ್ಲನಗೌಡ ಪಾಟೀಲ, ಬೆಳಗಾವಿ ಜಿಲ್ಲಾ ಕಾರ್ಯದರ್ಶಿ ಶ್ರೀ S B ಸಿದ್ನಾಳ, ಶ್ರೀ ಶಂಕರಗೌಡ ಹೊಸಗೌಡರ, ಶ್ರೀ ಸಾಸಪ್ಪ ನಾವಿ, ಶ್ರೀ ಶಂಕರಗೌಡ ಬ ಪಾಟೀಲ, ಯಲ್ಲಪ್ಪ ಕುಲಗೋಡ, ಶ್ರೀ ಬಿಎಸ್ ನಾಯಕ್, ಶ್ರೀ ಶಿವನಗೌಡ ಪಾಟೀಲ, ಶ್ರೀ ಅರುಣ ರೆಡ್ಡಿ, ಶ್ರೀ ಗೋಪಾಲ ಲಕ್ಷಾಣಿ, ಶ್ರೀ ಸದಾಶಿವಗೌಡ ಪಾಟೀಲ ಉಪಸ್ಥಿತರಿದ್ದರು.
