ಲಿಂಗಸುಗೂರು ತಾಲ್ಲೂಕು ಮುದಗಲ್ ಪಟ್ಟಣದಿಂದ ಅಂಕಲಿಮಠ – ಮೂದೇನೂರು ಗ್ರಾಮಕ್ಕೆ ತೆರಳುವ ಬಸ್ ಸರಿಯಾದ ಸಮಯಕ್ಕೆ ಬಾರದ ಹಿನ್ನಲೆಯಲ್ಲಿ ಶಾಲಾ ವಿದ್ಯಾರ್ಥಿಗಳು ಪ್ರತಿನಿತ್ಯ ಪರದಾಡುವಂತಹ ಸ್ಥಿತಿ ನಿರ್ಮಾಣವಾಗಿದೆ.
ಮುದಗಲ್ ಪಟ್ಟಣದಿಂದ ಮಧ್ಯಾಹ್ನ 3-30ಕ್ಕೆ ಬಿಡುವ ಬಸ್ ಸರಿಯಾಗಿ ಬಾರದ ಹಿನ್ನಲೆಯಲ್ಲಿ ಮೂದೇನೂರು ಸರಕಾರಿ ಶಾಲೆಗೆ ಹೋಗುವ ವಂದಲಿ, ಮುದ್ದಲಗುದ್ದಿ, ಬ್ಯಾಲಿಹಾಳ, ರಾಮತ್ನಾಳ ಗ್ರಾಮದ ಸುಮಾರು 50-60 ವಿದ್ಯಾರ್ಥಿಗಳಿಗೆ ತೊಂದರೆಯಾಗಿದೆ ಹಾಗೂ ಈ ವಿದ್ಯಾರ್ಥಿಗಳು ಮಳೆ, ಗಾಳಿ, ಬಿಸಿಲು ಲೆಕ್ಕಿಸದೆ ನಡೆದುಕೊಂಡು ಮನೆ ಸೇರಬೇಕಾಗಿದೆ ಎಂದು ವಿದ್ಯಾರ್ಥಿಗಳ ಪಾಲಕರು ದೂರಿದರು.
ಮುದಗಲ್ ದಿಂದ ಮಧ್ಯಾಹ್ನ 3-30ಕ್ಕೆ ಬಸ್ ಬಾರದೆ ಇದ್ದರೆ ಕಾಲೇಜ್ ವಿದ್ಯಾರ್ಥಿಗಳು ಪ್ರಯಾಣಿಕರು ಸೇರಿಸಿ ಸುಮಾರು 150ಕ್ಕೂ ಜನರು 5-30 ಬಸ್ಸಿಗೆ ಹೆಚ್ಚಿನ ಹೊರೆಬೀಳುತ್ತದೆ ಈ ಸಮಸ್ಯೆ ಬಗ್ಗೆ ಈ ಭಾಗದ ಜನರು ಸಾರಿಗೆ ಇಲಾಖೆ ಅಧಿಕಾರಗಳಿಗೆ ಮಾಹಿತಿ ನೀಡಿದರು ಯಾವುದೇ ಪ್ರಯೋಜನವಾಗಿಲ್ಲ ಎಂದು ವಿದ್ಯಾರ್ಥಿಗಳ ಪಾಲಕರು ಆರೋಪಿಸಿದ್ದಾರೆ
ಬಾಗಲಕೋಟೆ ಹಾಗೂ ಕೊಪ್ಪಳ ಜಿಲ್ಲೆಯ ಪ್ರಯಾಣಿಕರ ಅನುಕೂಲಕ್ಕಾಗಿ ಈ ಬಸ್ಸಿನ ಈ ಮಾರ್ಗ ಪ್ರಾರಂಭ ಮಾಡಿರುವದರಿಂದ ಸರಿಯಾದ ಸಮಯಕ್ಕೆ ಬಸ್ ಬರುತ್ತಿಲ್ಲ ಎಂದು ಕರ್ನಾಟಕ ವಾಲ್ಮೀಕಿ ನಾಯಕ ಮಹಾ ಸಮಿತಿ ಜಿಲ್ಲಾಧ್ಯಕ್ಷ ರವಿಕುಮಾರ ನಾಯಕ ಆರೋಪಿಸಿದರು ಇದೆ ಬಸ್ಸು 5-30ಕ್ಕೆ ಬಾರದ ಕಾರಣ ಮುದಗಲ್ ದಿಂದ ಉಪ್ಪಾರನಂದಿಹಾಳ, ಚಿಕ್ಕಲೆಕ್ಕಿಹಾಳ, ಹಿರೇಲೆಕ್ಕಿಹಾಳ, ಆಮದಿಹಾಳ ಗ್ರಾಮದ ವಿದ್ಯಾರ್ಥಿಗಳಿಗೆ ಹಾಗೂ ಪ್ರಯಾಣಿಕರಿಗೆ ತುಂಬಾ ತೊಂದರೆ ಅನುಭವಿಸುವಂತಾಗಿದೆ ಎಂದು ದೂರಿದ್ದಾರೆ.
ಈ ಸುದ್ದಿ ಓದಿದ್ದೀರಾ? ರಾಯಚೂರು | ತಿಂಗಳೊಳಗೆ ಮೂವರು ದಲಿತರ ಹತ್ಯೆ: ದಲಿತಪರ ಹೋರಾಟಗಾರರ ಕಳವಳ
ಈ ಕೂಡಲೇ ಮುದಗಲ್ ದಿಂದ ಅಂಕಲಿಮಠ ಮೂದೇನೂರು ಸರಿಯಾದ ಸಮಯಕ್ಕೆ ಬಸ್ ಓಡಿಸಿ ವಿದ್ಯಾರ್ಥಿಗಳಿಗೆ ಹಾಗೂ ಪ್ರಯಾಣಿಕರಿಗೆ ಅನುಕೂಲ ಮಾಡಿಕೊಡಬೇಕೆಂದು ಒತ್ತಾಯಿಸಿದ್ದಾರೆ.
