ಈ ಬಾರಿ ಪ್ಯಾಲೆಸ್ತೀನ್‌ನ ಕವಿ ಮೊಸಾಬ್ ಅಬು ತೋಹಾ ಅವರ ಕವನವನ್ನು ಇಂಗ್ಲಿಷ್‌ನಿಂದ ಕನ್ನಡಕ್ಕೆ ತಂದಿದ್ದಾರೆ ಸಿ ಎಚ್‌ ಭಾಗ್ಯ
- Advertisement -
ಅವಳು ತನ್ನ ಹಾಸಿಗೆಯ ಸುತ್ತಾ ಇರುವ ಮಕ್ಕಳನ್ನು ಒಟ್ಟೈಸುವಳು.
ಹೊಟೇಲ್ ಬಿಡುವ ಮೊದಲು ಬಟ್ಟೆ, ಪುಸ್ತಕಗಳನ್ನು ಜೋಡಿಸಿಕೊಳ್ಳುವಂತೆ.
ಅವಳು ತನ್ನ ಮಕ್ಕಳ ಕಿವಿಗಳು, ಬಾಯಿಗಳು, ಮೂಗುಗಳನ್ನು ಎಣಿಸಿ
ನಂತರ ಅವರ ಕಣ್ಣುಗಳನ್ನು ನಿಟ್ಟಿಸುವಳು.
ಆಣೆ ಮಾಡಿ ಹೇಳುತ್ತೇನೆ ಅವಳು ನಸುನಗುವಳು.
ಅವಳು ರಾತ್ರಿಯ ಹಾಡು ಹಾಡುವಳು
ಬಾಂಬಿನ ಶಬ್ದ ಗೌಣವಾಗಿಸಲು,
ಸುಂಯ್ ಗುಡುವ ಡ್ರೋನ್ ಗಳು ಮೋಡಗಳೊಳಗೆ ಅಡಗುವವರೆಗೆ…
ಅವಳು ತನ್ನ ಪ್ರತಿ ಕಂದನನ್ನೂ ಅಪ್ಪಿಕೊಳುವಳು,
ಬಾಂಬಿನ ನಂತರವೂ ಉಳಿದವು.
ಬಾಂಬು ಇನ್ನೇನು ಆಕಾಶ, ಕೊಠಡಿಗಳಲ್ಲಿ ಕಣ್ಣು ಕುಕ್ಕುವ ಮಿಂಚಿನೊಡನೆ ಸ್ಫೋಟಿಸಬಹುದೆಂದು ಅವಳಿಗೆ ತಿಳಿದಿರಬಹುದು
ಅವಳು ತನ್ನ ಮಕ್ಕಳ ಕಣ್ಣುಗಳನ್ನು ಮುಚ್ಚಿ ಜೋರಾಗಿ ಕೇಳುವಳು,
“ನಿಮ್ಮ ಕಣ್ಣುಗಳನ್ನು ಮುಚ್ಚಿದಾಗ ನೀವೇನು ನೋಡಬಲ್ಲಿರಿ?”
ಅವಳ ನಡುಗುವ ದನಿಯು ನಶಿಸುತ್ತಿರುವ ಬಾಂಬಿನ ಸದ್ದನ್ನು ಅಡಗಿಸಬಹುದೆಂದು ಭರವಸೆ ಇಡುತ್ತಾ.
