ಕಾಲಮಾನ | ವಯಸ್ಕರಿಗೂ ಪ್ರಿಯವಾಗುವ ಮಕ್ಕಳ ಕಿರುಚಿತ್ರ ʼದಿ ರೆಡ್‌ ಬಲೂನ್‌ʼ

Date:

ಇಡೀ ಚಿತ್ರದಲ್ಲಿ ಕೆಂಪು ಬಲೂನ್‌ ಒಂದು ಪಾತ್ರವಾಗಿ ವೀಕ್ಷಕರನ್ನು ಮೋಡಿ ಮಾಡುತ್ತದೆ. ಸಿನಿಮಾ ತಂತ್ರಜ್ಞಾನ ಅಷ್ಟೇನೂ ಬೆಳೆದಿರದ 1950ರ ದಶಕದಲ್ಲಿ ಒಂದು ಬಲೂನಿನ ಚಲನವಲನವನ್ನು ಆಕರ್ಷಕವಾಗಿ, ಗಮನೀಯವಾಗಿ ಸೆರೆಹಿಡಿದಿರುವುದು ಅಚ್ಚರಿಯ ವಿಷಯ.

- Advertisement -

ಮಕ್ಕಳ ಚಲನಚಿತ್ರಗಳು ಮಕ್ಕಳಿಗಷ್ಟೇ ಸೀಮಿತವಾಗಿರುವವು ಇರುತ್ತವೆ. ಆದರೆ ವಯಸ್ಕರಿಗೂ ತಲುಪುವಂತಹ ಆಶಯಗಳುಳ್ಳ ಮಕ್ಕಳ ಚಲನಚಿತ್ರಗಳು ಬಂದಿವೆ. ಫೀಚರ್‌, ಸಾಕ್ಷ್ಯ ಮತ್ತು ಕಿರುಚಿತ್ರಗಳು ಈ ಜಾನ್ರ್ (‌Genre)ನಡಿ ನಿರ್ಮಾಣಗೊಂಡಿವೆ.

ಇನ್ನಷ್ಟು ವಿಶೇಷ ಲೇಖನಗಳಿಗಾಗಿ, ಇಲ್ಲಿ ಕ್ಲಿಕ್ ಮಾಡಿ →

ಈ ದಿನ ಕವಿತೆ | ನಾನು, ರಸ್ತೆ ಹಾಗೂ...

ವಾರಕ್ಕೊಂದು ಅನುವಾದಿತ ಕವಿತೆ ಮಾಲಿಕೆಯಲ್ಲಿ ಈ ಬಾರಿ ಮರಾಠಿ ಕವಿ ವಸಂತ್ ಆಬಾಜಿ ದಹಾಕೆ ಅವರ "ನಾನು, ರಸ್ತೆ ಹಾಗೂ ಕಪ್ಪು ಹಕ್ಕಿ" ಕವಿತೆಯನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ ಹಿರಿಯ ಅನುವಾದಕಿ ಸಿ...

ಶಿವಮೊಗ್ಗ | 40 ವರ್ಷ ದುಡಿದರೂ ಗಜಾನನ ಸಂಸ್ಥೆ...

ಮಲೆನಾಡಿನ ಸಾರಿಗೆ ಕ್ಷೇತ್ರದಲ್ಲಿ ತನ್ನದೇ ಆದ ಗುರುತನ್ನು ಮೂಡಿಸಿದ್ದ ಸಾಗರ ತಾಲೂಕಿನ ಹೆಸರಾಂತ ಗಜಾನನ ಬಸ್ ಸಂಸ್ಥೆ ಒಂದು ಕಾಲದಲ್ಲಿ ಸುಮಾರು 150ಕ್ಕೂ ಹೆಚ್ಚು ಬಸ್‌ಗಳ ಮೂಲಕ ಜನಪ್ರಿಯತೆ ಗಳಿಸಿತ್ತು. ಸಂಸ್ಥೆಯ ಬೆಳವಣಿಗೆಯಲ್ಲಿ...

ರಾಜಕೀಯ ಪಕ್ಷಗಳಿಗೆ ಪ್ರವೇಶವಿಲ್ಲ: ಚುನಾವಣೆ ಬಹಿಷ್ಕರಿಸಿದ ಹೊನ್ನಗುಂಡಿ ಗ್ರಾಮಸ್ಥರು!

ಅದೆಷ್ಟೋ ಚುನಾವಣೆ ನಡೆದು ಹೋದವು, ಆದರೆ ನಮ್ಮೂರಿಗೆ ಮೂಲಭೂತ ಸೌಕರ್ಯಗಳಿಲ್ಲ. ಕನಿಷ್ಠ ಸೌಲಭ್ಯವಾದ ಡಾಂಬರ್ ರಸ್ತೆ ಕಾಣದೆ ಅದೆಷ್ಟೋ ವರ್ಷ ಕಳೆದಿದೆ. ನಮ್ಮ ಗ್ರಾಮದಲ್ಲಿ ಮೂಲಭೂತ ಸೌಕರ್ಯಗಳ ಕೊರತೆಯಿದೆ ಯಾವ ರಾಜಕೀಯ ಪಕ್ಷಗಳು...

ಅಂತಹ ಒಂದು ಮಕ್ಕಳ ಚಲನಚಿತ್ರ ʼ ದಿ ರೆಡ್‌ ಬಲೂನ್‌ ʼ(1956). ಇದರ ಕಾಲಾವಧಿ 34 ನಿಮಿಷಗಳು. ಆಲ್ಬರ್ಟ್‌ ಲಿಮೊರಿಸ್‌ ಇದರ ನಿರ್ದೇಶಕರು, ನಿರ್ಮಾಪಕರು ಹಾಗೂ ಕಥಾರಚನಕಾರರು.

ಆಲ್ಬರ್ಟ್‌ ಲಮೊರಿಸ್‌ಗೆ ಹಾರಾಡುವ ವಸ್ತುಗಳನ್ನು ಕ್ಯಾಮೆರಾದಲ್ಲಿ ಸೆರೆಹಿಡಿಯುವ ಹವ್ಯಾಸವಿತ್ತು. ಈ ನಿಟ್ಟಿನಲ್ಲಿ ಅವರು ಹೆಲಿಕಾಪ್ಟರ್‌ನಲ್ಲಿ ಸ್ಟೆಡಿ ಕ್ಯಾಮೆರಾವನ್ನು ಅಳವಡಿಸಿ ʼಹೆಲಿವಿಷನ್‌ ʼ (Helivision) ಎಂಬ ವ್ಯವಸ್ಥೆಯನ್ನು ಹುಟ್ಟುಹಾಕಿದರು! ಅಲ್ಲದೆ ಅವರು ರಾಜತಾಂತ್ರಿಕೆಗೆ ಸಂಬಂಧಿಸಿದ ಆಕ್ರಮಣ, ಸಂಘರ್ಷ ಮತ್ತು ಪರಿಹಾರಗಳ ʼರಿಸ್ಕ್‌ʼ (Risk) ಎಂಬ ಸ್ಟ್ರ್ಯಾಟಜಿ ಬೋರ್ಡ್‌ ಗೇಮನ್ನು 1957ರಲ್ಲಿ ರೂಪಿಸಿದರು. ಇದರಲ್ಲಿ ಎರಡರಿಂದ ಆರು ಆಟಗಾರರು ಇರುತ್ತಿದ್ದರು. ಇದು ಬೋರ್ಡ್‌ ಗೇಮ್ಸ್‌ಗಳ ಚರಿತ್ರೆಯಲ್ಲೇ ಉನ್ನತ ಸ್ಥಾನವನ್ನು ಪಡೆದಿದೆ ಹಾಗೂ ಇತರ ಇಂತಹ ಆಟಗಳಿಗೆ ಸ್ಪೂರ್ತಿಯನ್ನು ನೀಡಿತು. ಇಂತಹ 1950-60 ದಶಕದ ಆಟಗಳು ಮುನ್ನೆಲೆಗೆ ಬಂದದ್ದು ಅಮರಿಕಾ ಮತ್ತು ಸೋವಿಯತ್‌ ಯೂನಿಯನ್‌ ನಡುವೆ ಜರುಗುತ್ತಿದ್ದ ಶೀತಲ ಸಮರ(Cold War)ದ ಸಮಯದಲ್ಲಿ ಎಂಬುದು ಗಮನೀಯ ಸಂಗತಿ.

ʼದಿ ರೆಡ್‌ ಬಲೂನ್‌ ʼನ ಪ್ರಾರಂಭದ ದೃಶ್ಯದಲ್ಲಿ ಪ್ಯಾಸ್ಕಲ್‌ ಎಂಬ ಸುಮಾರು ಆರು ವರ್ಷದ ಹುಡುಗ (ಈ ಪಾತ್ರವನ್ನು ನಿರ್ದೇಶಕನ ಮಗನೇ ಮಾಡಿದ್ದಾನೆ) ಪ್ಯಾರಿಸ್‌ನ ಒಂದು ದುಡಿಯುವ ವರ್ಗದ ಪ್ರದೇಶದಲ್ಲಿ ಶಾಲೆಯನ್ನು ತಲುಪಲು ನಡೆದುಕೊಂಡು ಹೋಗುತ್ತಿರುತ್ತಾನೆ. ಕ್ಯಾಮೆರಾ ಆ ಪ್ರದೇಶದ ತುಂಬ ಸಾಮಾನ್ಯವೆನಿಸುವ ಕಟ್ಟಡಗಳು ಮತ್ತು ಮಾರ್ಗವನ್ನು ಸೆರೆಹಿಡಿಯುತ್ತದೆ.

ಮಾರ್ಗ ಮಧ್ಯದಲ್ಲಿ ಪ್ಯಾಸ್ಕಲ್‌ ಒಂದು ಕಟ್ಟಡದ ರೈಲಿಂಗ್‌ನಲ್ಲಿ ಹೀಲಿಯಂ ಗ್ಯಾಸ್‌ನಿಂದ ತುಂಬಿದ ಕೆಂಪು ಬಲೂನನ್ನು ಕಾಣುತ್ತಾನೆ. ಯಾವ ಮಗು ಬಲೂನ್‌ಗೆ ಮಾರುಹೋಗುವುದಿಲ್ಲ? ಪ್ಯಾಸ್ಕಲ್‌ ಕೂಡ ಅದನ್ನು ಹೊಂದಬೇಕೆಂಬ ತವಕದಿಂದ ರೈಲಿಂಗನ್ನು ಹತ್ತಿ ಅದನ್ನು ತನ್ನದಾಗಿಸಿಕೊಳ್ಳುತ್ತಾನೆ! ಅವನು ನಿತ್ಯ ಪಯಣಿಸುವ ಬಸ್‌ನ ಕಂಡಕ್ಟರ್‌ ಬಲೂನನ್ನು ಹೊಂದಿರುವುದಕ್ಕಾಗಿ ಪ್ರವೇಶವನ್ನು ನಿರಾಕರಿಸುತ್ತಾನೆ. ಹೀಗಾಗಿ ಪ್ಯಾಸ್ಕಲ್‌ ಓಡಿಕೊಂಡೇ ತನ್ನ ಶಾಲೆಯನ್ನು ತಲುಪುತ್ತಾನೆ.

ಶಾಲೆಯಿಂದ ವಾಪಸ್ಸು ಬರುವಾಗ, ಅವನು ಮಳೆಯಿಂದ ತನ್ನ ಬಲೂನನ್ನು ರಕ್ಷಿಸಲು ದಾರಿಹೋಕರ ಕೊಡೆಗಳಲ್ಲಿ ತೂರಿಕೊಂಡು, ಮನೆಯನ್ನು ತಲುಪುತ್ತಾನೆ. ಅವನ ಅಜ್ಜಿ ಬಲೂನನ್ನು ಬಾಲ್ಕನಿಯಿಂದ ಎಸೆಯುತ್ತಾಳೆ. ಆದರೆ ಆ ಬಲೂನು ಅಲ್ಲೇ ಒಲಾಡುತ್ತಿರುತ್ತದೆ. ಪ್ಯಾಸ್ಕಲ್‌ ಅದನ್ನು ಪುನಃ ತನ್ನ ವಶಕ್ಕೆ ಪಡೆಯುತ್ತಾನೆ.

ಹೀಗೆ ಪ್ಯಾಸ್ಕಲ್‌ ಮತ್ತು ಬಲೂನ್‌ ನಡುವೆ ಸ್ನೇಹ ಶುರುವಾಗುತ್ತದೆ! ಅದು ಅವನ ಜೊತೆ ಕಣ್ಣು ಮುಚ್ಚಾಲೆ ಆಟವಾಡುತ್ತದೆ, ಅಣತಿಯನ್ಜು ಪಾಲಿಸುತ್ತದೆ ಮತ್ತು ಬಸ್‌ನಲ್ಲಿ ಪಯಣಿಸುವಾಗ ಅವನ ಹಿಂದೆಯೇ ಬರುತ್ತದೆ! ಒಮ್ಮೆ ಅವನು ನಡೆದು ಬರುತ್ತಿರುವಾಗ, ಒಂದು ಹುಡುಗಿಯ ಕೈನಲ್ಲಿದ್ದ ನೀಲಿ ಬಲೂನಿನತ್ತ ಕೆಂಪು ಬಲೂನ್‌ ಸೆಳೆಯಲ್ಪಡುತ್ತದೆ! ಈ ಹುಡುಗಿಯ ಪಾತ್ರವನ್ನು ನಿರ್ದೇಶಕರ ಮಗಳೇ ಮಾಡಿದ್ದಾಳೆ.

ನಂತರ ಕೆಲವು ಪುಂಡ ಮಕ್ಕಳು ಆ ಕೆಂಪು ಬಲೂನನ್ನು ಹೊಂದಲು ಹರಸಾಹಸ ಪಡುತ್ತಾರೆ. ಈ ಘಟ್ಟದಲ್ಲಿ ಓಡುತ್ತಿರುವ ಪ್ಯಾಸ್ಕಲ್‌ನನ್ನು ಹಿಂಬಾಲಿಸುವ ಹುಡುಗರ ಸುಮಾರು ಮೂರು ನಿಮಿಷಗಳ ಲಾಂಗ್‌ ಟೇಕಿದೆ.

ಕೊನೆಯಲ್ಲಿ ಆ ಕೆಂಪು ಬಲೂನಿನ ಮೇಲೆ ಹುಡುಗನೊಬ್ಬ ಎಸೆದ ಕವಣೆ ಕಲ್ಲು ತನ್ನ ಗುರಿಯನ್ನು ತಲುಪಿ ಅದು ನೆಲಕಚ್ಚುತ್ತದೆ. ಆಗ ಒಂದು ಬೂಟ್‌ ಬಲೂನನ್ನು ಹೊಸಕಿಹಾಕುವುದನ್ನು ವೀಕ್ಷಕರು ನೋಡುತ್ತಾರೆ. ಇದು ಸುಮಾರು ಒಂದೂವರೆ ನಿಮಿಷಗಳ ಅವಧಿಯ ಟೇಕ್‌ನಲ್ಲಿ(ಕ್ಲೋಸ್‌ ಅಪ್‌ ಸಹಿತ) ಸೆರೆಹಿಡಿಯಲಾಗಿದೆ.

ಅಂತಿಮ ದೃಶ್ಯದಲ್ಲಿ ಈ ಕಿರುಚಿತ್ರದ ಕ್ಲ್ಯೆಮ್ಯಾಕ್ಸ್‌ ವೀಕ್ಷಕರಲ್ಲಿ ಅನೇಕ ಭಾವಗಳನ್ನು ಹುಟ್ಟಿಸುತ್ತ, ತಟ್ಟುತ್ತದೆ.

ಈ ಕಿರುಚಿತ್ರದ ಬಗೆಗಿನ ಈ ಬರಹಗಾರನ ಅನಿಸಿಕೆಗಳು ಹೀಗಿವೆ:

  1. ಇಡೀ ಚಿತ್ರದಲ್ಲಿ ಕೆಂಪು ಬಲೂನ್‌ ಒಂದು ಪಾತ್ರವಾಗಿ ವೀಕ್ಷಕರ ಮೇಲೆ ಮೋಡಿ ಹಾಕುತ್ತದೆ. ಸಿನಿಮಾ ತಂತ್ರಜ್ಞಾನ ಅಷ್ಟೇನೂ ಬೆಳೆದಿರದ 1950ರ ದಶಕದಲ್ಲಿ ಒಂದು ಬಲೂನಿನ ಚಲನವಲನವನ್ನು ಆಕರ್ಷಕವಾಗಿ, ಗಮನೀಯವಾಗಿ ಸೆರೆಹಿಡಿದಿರುವುದು ಅಚ್ಚರಿಯ ವಿಷಯ.

2) ಕೆಂಪು ಬಲೂನ್‌ ಸಂತಸ ಹಾಗೂ ಸ್ನೇಹವನ್ನು ಸೂಚಿಸುತ್ತದೆ.

3) ಈ ಕಿರುಚಿತ್ರವನ್ನು ಮಕ್ಕಳು ಮತ್ತು ವಯಸ್ಕರು ಹೇಗೆ ದೃಷ್ಟಿಸುತ್ತಾರೆ ಎಂಬುದು ಕುತೂಹಲಕಾರಿ ಪ್ರಶ್ನೆಯೇ ಸರಿ. ವಯಸ್ಕ ವೀಕ್ಷಕರು ಕೆಂಪು ಬಲೂನಿನ ಪಾತ್ರ ಕಟ್ಟೋಣಕ್ಕೆ ಸಂಬಂಧಿಸಿದಂತೆ ಅನೇಕ ಅರ್ಥಗಳನ್ನು ನೀಡಬಹುದು. ಮಕ್ಕಳು ತಮ್ಮ ಬಾಲ್ಯ ಸಹಜ ಮನೋಭಾವದಿಂದ ಗ್ರಹಿಸಬಹುದು.

4) ಈ ಕಿರುಚಿತ್ರದಲ್ಲಿ ಕೆಂಪು ಬಲೂನಿಗೆ ಸಂಬಂಧಿಸಿದಂತೆ ವಯಸ್ಕರು ನಡೆದುಕೊಳ್ಳುವ ಬಗೆಗೆ ಒಂದರ್ಥದಲ್ಲಿ ಅವರ ಸಂಕುಚಿತ ದೃಷ್ಟಿಕೋನವನ್ನು ಅನಾವರಣಗೊಳಿಸುತ್ತದೆ.

5) ಮಕ್ಕಳು, ಪುಂಡರು ತಮ್ಮ ವಯೋಸಹಜ ನಡವಳಿಕೆಯಿಂದ ಬಲೂನನ್ನು ಹೊಂದಲು ಆತುರದಿಂದ ಇರುತ್ತಾರೆ. ಒಂದಿಷ್ಟು ಪುಂಡಾಟಿಕೆ ನಡೆಸಿದರೂ ಅದು ದೊಡ್ಡ ಪ್ರಮಾದ ಎಂದೆನಿಸುವುದಿಲ್ಲ.

6) ಈ ಕಿರುಚಿತ್ರದ ಅಂತಿಮ ದೃಶ್ಯ ವೀಕ್ಷಕರಲ್ಲಿ ಒಂದು ಬೆಚ್ಚನೆಯ ಭರವಸೆಯ ಭಾವವನ್ನು ಮೂಡಿಸುವುದರಲ್ಲಿ ಸಫಲವಾಗುತ್ತದೆ. ಇದು ಚಿತ್ರದ ಆಪ್ತವೆನಿಸುವ ಭಾಗದ ಜೊತೆಗೆ ಕಲ್ಪನೆ ಮತ್ತು ಫ್ಯಾಂಟಸಿಯ ಮೂಲಕ ಸತ್ಯವನ್ನು ಕೂಡ ಸೃಷ್ಟಿಸುತ್ತದೆ. ಇಡೀ ಕಿರುಚಿತ್ರದಲ್ಲಿ ಪ್ಯಾರಿಸ್‌ನ ನಿತ್ಯದ ವಾಸ್ತವಿಕತೆಯ ಜೊತೆ ಮಕ್ಕಳ ಕಲ್ಪನೆಗಳು ʼ ಕಾವ್ಯಾತ್ಮಕವಾಸ್ತವವಾದʼ(Poetic Realism)ದ ರೂಪವನ್ನು ಪಡೆಯುತ್ತವೆ.

The Red Balloon 1

ಹೀಗೆ ಒಂದು ಸರಳ ಮಕ್ಕಳ ಕಿರುಚಿತ್ರ ಎಲ್ಲ ವಯಸ್ಸಿನ ವೀಕ್ಷಕರಲ್ಲಿ ಅನೇಕ ತೆರನಾದ ವ್ಯಾಖ್ಯಾನಗಳನ್ನು ಸೃಷ್ಟಿಸುವ ಶಕ್ತಿಯನ್ನು ಹೊಂದಿದೆ. ಇದು 1956ರ ಕಾನ್‌ ಅಂತಾರಾಷ್ಟ್ರೀಯ ಚಲನಚಿತ್ರೋತ್ಸವದಲ್ಲಿ Palme d Or ಪ್ರಶಸ್ತಿಯನ್ನು ಪಡೆದುಕೊಂಡಿತು. ಆ ವರ್ಷ ಫ್ರಾನ್ಸಿನ ಹೆಸರುವಾಸಿ ನಿರ್ದೇಶಕ ಫೆಡ್ರಿಕೊ ಫೆಲಿನಿಯ ʼಲಾಸ್ಟ್ರಾಡಾʼ (La Strada) ಫಿಲ್ಮನ್ನು ಹಿಂದಿಕ್ಕಿ ಪ್ರಶಸ್ತಿಯನ್ನು ಪಡೆದದ್ದು ಈ ಕಿರುಚಿತ್ರದ ಹೆಗ್ಗಳಿಕೆ ಎಂದು ಹೇಳಬಹುದು. ಅಲ್ಲದೆ ʼಈ ರೆಡ್‌ ಬಲೂನ್‌ ʼ ಮೂಲ ಚಿತ್ರಕಥೆಗಾಗಿ 1956ರ ಆಸ್ಕರ್‌ ಪ್ರಶಸ್ತಿಗೆ ಭಾಜನವಾಯಿತು.

ಈ ಕಿರುಚಿತ್ರ ಯೂಟ್ಯೂಬ್‌ನಲ್ಲಿ ವೀಕ್ಷಿಸಲು ಲಭ್ಯವಿದೆ. ಆದರೆ ಇದರ ಸಬ್‌ಟೈಟಲ್ಸ್ ಫ್ರೆಂಚ್‌ ಭಾಷೆಯಲ್ಲಿದೆ. ಈ ಅಂಶ ವೀಕ್ಷಣೆಗೆ ಅಡ್ಡಿಯಾಗುವುದಿಲ್ಲ! ಏಕೆಂದರೆ ಒಂದು ಮೂಖಿ ಸಿನಿಮಾವಾಗಿ ವೀಕ್ಷಿಸಿದರೂ ಇದರ ಸಾರವನ್ನು ವೀಕ್ಷಕರು ಅನುಭವಿಸಬಹುದು!

WhatsApp Image 2025 11 17 at 4.18.26 PM
ಮ ಶ್ರೀ ಮುರಳಿ ಕೃಷ್ಣ
+ posts

ಬರಹಗಾರ, ಸಾಮಾಜಿಕ ಕಾರ್ಯಕರ್ತ

<p><iframe src="https://www.youtube.com/embed/8qwx4L0lKFQ?autoplay=1&mute=1&loop=1&playlist=8qwx4L0lKFQ&controls=0&modestbranding=1&showinfo=0" width="560" height="315" frameborder="0" allowfullscreen="allowfullscreen"></iframe></p>

ಪೋಸ್ಟ್ ಹಂಚಿಕೊಳ್ಳಿ:

ಮ ಶ್ರೀ ಮುರಳಿ ಕೃಷ್ಣ
ಮ ಶ್ರೀ ಮುರಳಿ ಕೃಷ್ಣ
ಬರಹಗಾರ, ಸಾಮಾಜಿಕ ಕಾರ್ಯಕರ್ತ

ಪೋಸ್ಟ್ ಹಂಚಿಕೊಳ್ಳಿ:

ಈ ಹೊತ್ತಿನ ಪ್ರಮುಖ ಸುದ್ದಿ

ವಿಡಿಯೋ

ಇದೇ ರೀತಿಯ ಇನ್ನಷ್ಟು ಲೇಖನಗಳು
Related

ಅವಳ ಕಣ್ಣೋಟ | ‘ಉಯರೆ’- ಸುಟ್ಟದ್ದು ಮುಖವಷ್ಟೇ, ಬದುಕಿನ ಮೇಲಿನ ಹಕ್ಕಲ್ಲ…

ಉಯರೆ’ ಪ್ರೀತಿಯ ಹೆಸರಿನಲ್ಲಿ ನಡೆಯುವ ನಿಯಂತ್ರಣವನ್ನು ಪ್ರಶ್ನಿಸುತ್ತದೆ, ಮಹಿಳೆಯ ನಿರಾಕರಣೆಯ ಹಕ್ಕನ್ನು...

ನಾಡ ದೇವತೆಯ ಬಳಿ ನನ್ನ ಅಳಲು; ವಿವೇಕಾನಂದ ಎಚ್. ಕೆ

ನಾಡ ದೇವಿ ತಾಯಿ ಚಾಮುಂಡೇಶ್ವರಿ, ನಿನಗೆ ತುಂಬು ಹೃದಯದ ಧನ್ಯವಾದಗಳು. ನಿನ್ನ...

ವಚನ ಕಲ್ಯಾಣ | ಕೂಡಲಸಂಗಮದೇವಾ, ಮರಣವೆ ಮಹಾನವಮಿ!

ಜೋಳವಾಳಿಯಾನಲ್ಲ, ವೇಳೆವಾಳಿಯವ ನಾನಯ್ಯಾ. ಹಾಳುಗೆಟ್ಟೋಡುವ ಆಳು ನಾನಲ್ಲವಯ್ಯಾ. ಕೇಳು, ಕೂಡಲಸಂಗಮದೇವಾ, ಮರಣವೆ...

ಅವಳ ಕಣ್ಣೋಟ | ‘ಪ್ರೇಮದ ಊರಲಿ’ ಶೀಲದ ಟೆಸ್ಟ್!

ಸಿನಿಮಾದಲ್ಲಿ ಪ್ರೀತಿಯಿದೆ, ವಿರಹವಿದೆ, ತ್ಯಾಗವಿದೆ, ತಪ್ಪು ತಿಳಿವಳಿಕೆಯಿದೆ, ಕ್ಷಮೆಯೂ ಇದೆ. ಹಳ್ಳಿಯ...